ਵਾਸ਼ਿੰਗਟਨ : ਤੁਸੀਂ ਸਾਇੰਸ ਫਿਕਸ਼ਨ ਫਿਲਮਾਂ ਵਿਚ ਦੇਖਿਆ ਹੋਵੇਗਾ ਕਿ ਕਿਵੇਂ ਵਿਗਿਆਨੀ ਧਰਤੀ ਵੱਲ ਆਉਣ ਵਾਲੇ ਤਾਰਾ ਗ੍ਰਹਿਆਂ ਦਾ ਰਸਤਾ ਬਦਲਦੇ ਹਨ। ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਨੇ ਹੁਣ ਇਸ ਕਲਪਨਾ ਨੂੰ ਹਕੀਕਤ ਬਣਾਉਣ ਵੱਲ ਕਦਮ ਪੁੱਟਿਆ ਹੈ। ਨਾਸਾ ਨੇ ਐਲੋਨ ਮਸਕ ਦੀ ਕੰਪਨੀ ਸਪੇਸਐਕਸ ਦੇ ਨਾਲ ਮਿਲ ਕੇ ਇਹ ਮੁਹਿੰਮ ਸ਼ੁਰੂ ਕੀਤੀ ਹੈ। ਨਾਸਾ ਨੇ ਸਪੇਸਐਕਸ ਦੇ ਫਾਲਕਨ-9 ਰਾਕੇਟ ਦੀ ਮਦਦ ਨਾਲ ਡਾਰਟ (ਡਬਲ ਐਸਟੇਰੋਇਡ ਰੀਡਾਇਰੈਕਸ਼ਨ ਟੈਸਟ) ਵਾਹਨ ਲਾਂਚ ਕੀਤਾ ਹੈ।
ਫੁੱਟਬਾਲ ਫੀਲਡ ਜਿੰਨਾ ਵੱਡਾ ਡਾਇਮੋਰਫਸ ਐਸਟਰਾਇਡ : ਡਾਰਟ ਦੁਆਰਾ ਨਿਸ਼ਾਨਾ ਬਣਾਇਆ ਗਿਆ ਡਾਇਮੋਰਫਸ ਐਸਟਰਾਇਡ ਇਕ ਫੁੱਟਬਾਲ ਦੇ ਆਕਾਰ ਦਾ ਹੈ। ਇਹ ਆਪਣੇ ਤੋਂ ਪੰਜ ਗੁਣਾ ਵੱਡੇ ਇਕ ਹੋਰ ਗ੍ਰਹਿ ਦੀ ਪਰਿਕਰਮਾ ਕਰ ਰਿਹਾ ਹੈ। ਦੋ ਗ੍ਰਹਿਆਂ ਦੀ ਇਸ ਪ੍ਰਣਾਲੀ ਨੂੰ ਡਾਇਡੀਮੋਸ ਕਿਹਾ ਜਾਂਦਾ ਹੈ। ਇਹ ਇਕ ਯੂਨਾਨੀ ਸ਼ਬਦ ਹੈ ਜਿਸ ਦਾ ਅਰਥ ਹੈ ਜੁੜਵਾਂ। ਇਸ ਨੂੰ ਇਸ ਲਈ ਚੁਣਿਆ ਗਿਆ ਹੈ ਕਿਉਂਕਿ ਇਹ ਟਕਰਾਅ ਦੇ ਪ੍ਰਭਾਵ ਨੂੰ ਸਮਝਣ ਤੇ ਅਧਿਐਨ ਕਰਨ ਵਿਚ ਮਦਦ ਕਰੇਗਾ ਕਿ ਧਰਤੀ ਦੇ ਸਾਪੇਖਕ ਇਕ ਐਸਟੇਰਾਇਡ ਦੀ ਦਿਸ਼ਾ ਬਦਲਣ ਲਈ ਇਹ ਕੋਸ਼ਿਸ਼ ਕਿੰਨੀ ਪ੍ਰਭਾਵਸ਼ਾਲੀ ਹੋ ਸਕਦੀ ਹੈ।ਵਾਹਨ ਦੀ ਜ਼ੋਰਦਾਰ ਟੱਕਰ ਕਾਰਨ ਐਸਟਰਾਇਡ ਦਾ ਮਾਰਗ ਬਦਲ ਜਾਵੇਗਾ : ਇਕ ਛੋਟੀ ਕਾਰ ਦੇ ਆਕਾਰ ਦਾ ਪੇਲੋਡ ਧਰਤੀ ਤੋਂ ਲਗਭਗ 11 ਮਿਲੀਅਨ ਕਿਲੋਮੀਟਰ ਦੀ ਦੂਰੀ ਤਕ 10 ਮਹੀਨਿਆਂ ਲਈ ਯਾਤਰਾ ਕਰੇਗਾ, ਉੱਥੇ ਇਹ ਡਾਇਮੋਰਫਸ ਨਾਮ ਦੇ ਇਕ ਐਸਟੇਰੋਇਡ ਨਾਲ ਟਕਰਾਏਗਾ ਤੇ ਆਪਣਾ ਰਾਹ ਬਦਲ ਲਵੇਗਾ। ਇਸ ਟੱਕਰ ਤੋਂ 10 ਦਿਨ ਪਹਿਲਾਂ ਇਕ ਛੋਟਾ ਬ੍ਰੀਫਕੇਸ ਆਕਾਰ ਵਾਲਾ ਵਾਹਨ ਇਸ ਤੋਂ ਵੱਖ ਹੋ ਜਾਵੇਗਾ, ਜੋ ਇਸ ਟੱਕਰ ਨੂੰ ਰਿਕਾਰਡ ਕਰੇਗਾ ਤੇ ਤਸਵੀਰਾਂ ਧਰਤੀ ‘ਤੇ ਭੇਜੇਗਾ। ਵਿਗਿਆਨੀ ਇਸ ਟੱਕਰ ਦੇ ਮਾਧਿਅਮ ਨਾਲ ਐਸਟੇਰਾਇਡ ਦੇ ਆਰਬਿਟਲ ਟ੍ਰੈਕ ਨੂੰ ਘੱਟ ਤੋਂ ਘੱਟ 73 ਸਕਿੰਟ ਤਕ ਛੋਟਾ ਕਰਨ ਦਾ ਟੀਚਾ ਰੱਖ ਰਹੇ ਹਨ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਲੱਖਾਂ ਕਿਲੋਮੀਟਰ ਦੀ ਦੂਰੀ ‘ਤੇ ਚੱਕਰ ਲਗਾਉਣ ਵਾਲੇ ਐਸਟਰਾਇਡ ਦੇ ਮਾਰਗ ‘ਚ ਇਹ ਮਾਮੂਲੀ ਬਦਲਾਅ ਵੀ ਧਰਤੀ ਵੱਲ ਆਪਣਾ ਰਸਤਾ ਬਹੁਤ ਬਦਲ ਦੇਵੇਗਾ।
ਚੱਲ ਰਹੇ ਹੋਰ ਵੀ ਅਭਿਆਨ : ਨਾਸਾ ਨੇ ਐਸਟਰਾਇਡ ਨਾਲ ਸਬੰਧਤ ਹੋਰ ਮਿਸ਼ਨ ਚਲਾਏ ਹਨ। ਪਿਛਲੇ ਮਹੀਨੇ ਹੀ ਗ੍ਰਹਿ ਦੇ ਆਲੇ-ਦੁਆਲੇ ਘੁੰਮ ਰਹੇ ਐਸਟਰਾਇਡ ਗਰੁੱਪ ਟਰੋਜਨ ਬਾਰੇ ਜਾਣਕਾਰੀ ਇਕੱਠੀ ਕਰਨ ਲਈ ਇਕ ਮੁਹਿੰਮ ਸ਼ੁਰੂ ਕੀਤੀ ਗਈ ਹੈ। ਇਸੇ ਤਰ੍ਹਾਂ Osirisrex ਵਾਹਨ ਇਸ ਸਮੇਂ ਧਰਤੀ ‘ਤੇ ਵਾਪਸ ਆ ਰਿਹਾ ਹੈ। ਇਸ ਵਾਹਨ ਨੇ ਪਿਛਲੇ ਸਾਲ ਅਕਤੂਬਰ ਵਿਚ ਬੇਨੂ ਐਸਟੇਰਾਇਡ ਤੋਂ ਨਮੂਨੇ ਇਕੱਠੇ ਕੀਤੇ ਸਨ।
Asteroids ਹੋ ਸਕਦਾ ਹੈ ਵੱਡਾ ਖ਼ਤਰਾ : ਲਗਭਗ 66 ਮਿਲੀਅਨ ਸਾਲ ਪਹਿਲਾਂ ਇਕ ਬਹੁਤ ਵੱਡਾ ਐਸਟਰਾਇਡ ਧਰਤੀ ਨਾਲ ਟਕਰਾ ਗਿਆ ਸੀ। ਇਸ ਗ੍ਰਹਿ ਦੇ ਟਕਰਾਉਣ ਕਾਰਨ ਡਾਇਨਾਸੌਰਸ ਦੀ ਹੋਂਦ ਖਤਮ ਹੋ ਗਈ। ਡਾਰਟ ਦੁਆਰਾ ਨਿਸ਼ਾਨਾ ਬਣਾਏ ਜਾਣ ਵਾਲੇ ਐਸਟੇਰੌਇਡ ਤੋਂ ਧਰਤੀ ਨੂੰ ਕੋਈ ਖ਼ਤਰਾ ਨਹੀਂ ਹੈ ਪਰ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਆਉਣ ਵਾਲੇ ਸਮੇਂ ਵਿਚ ਕਈ ਛੋਟੇ ਐਸਟਰਾਇਡ ਵੀ ਖ਼ਤਰਾ ਬਣ ਸਕਦੇ ਹਨ।
