ਬਲਬੀਰ ਸਿੰਘ ਬੀਰਾ ਬਾਜੇਵਾਲਾ ਦੇ ਡਾਇਰੈਕਟਰ ਬਣਨ ਤੇ ਪਿੰਡ ਵਾਸੀਆਂ ਨੇ ਕੀਤਾ ਸਵਾਗਤ
ਸਰਦੂਲਗੜ੍ਹ 28 ਜਨਵਰੀ ਗੁਰਜੀਤ ਸ਼ੀਂਹ ਸਰਦੂਲਗੜ ਸਹਿਕਾਰੀ ਮੰਡੀਕਰਨ ਕਮ ਪ੍ਰੋਸੈਸਿੰਗ ਸਭਾ ਲਿਮ ਸਰਦੂਲਗੜ ਦੇ ਬੋਰਡ ਆਫ ਡਾਇਰੈਕਟਰਾਂ ਦੀ ਚੋਣ ਸਰਬਸੰਮਤੀ ਨਾਲ ਹੋਈ। ਇਹ ਚੋਣ ਅੱਜ ਸਹਿਕਾਰੀ ਵਿਭਾਗ ਦੇ ਆਰ ਏ ਰਾਜਨ ਗੁਰਬਖਸ਼ ਰਾਏ ਰਿਟਰਨਿੰਗ ਅਫ਼ਸਰ ਅਤੇ ਹਰਮੀਤ ਸਿੰਘ ਸਹਾਇਕ ਰਿਟਰਨਿੰਗ ਅਫ਼ਸਰ ਦੀ ਨਿਗਰਾਨੀ ਹੇਠ ਹੋਈ। ਜਿਸ ਵਿੱਚ ਸਰਬ ਸੰਮਤੀ ਨਾਲ ਜੋਨ 3 ਤੋਂ ਬਲਵੀਰ ਸਿੰਘ ਉਰਫ ਬੀਰਾ ਪੁੱਤਰ ਭੂਰਾ ਸਿੰਘ ਬਾਜੇਵਾਲਾ, ਜੋਨ ਛੇ ਤੋਂ ਨਿਰਮਲ ਸਿੰਘ ਗੁਰਦਿਆਲ ਸਿੰਘ ਪਿੰਡ ਝੁਨੀਰ, ਜੋਨ ਚਾਰ ਤੋਂ ਭਰਥਰੀ ਰਾਮ ਪੁੱਤਰ ਰਾਮ ਪ੍ਰਤਾਪ ਪਿੰਡ ਕਰੰਡੀ, ਜੋਨ ਪੰਜ ਤੋਂ ਕਰਨੈਲ ਸਿੰਘ ਕੌਰ ਸਿੰਘ ਪਿੰਡ ਭੂੰਦੜ, ਜੋਨ ਇੱਕ ਤੋਂ ਸੰਜੀਵ ਕੁਮਾਰ ਪੁੱਤਰ ਰਮੇਸ਼ਵਰ ਦਾਸ ਸਰਦੂਲਗੜ ਜੋਨ ਦੋ ਤੋਂ ਮਨਮੋਹਨ ਸਿੰਘ ਪੁੱਤਰ ਨੰਦ ਸਿੰਘ ਪਿੰਡ ਆਦਮਕੇ ਨੂੰ ਸਰਬਸੰਮਤੀ ਨਾਲ ਡਾਇਰੈਕਟਰ ਚੁਣੇ ਗਏ। ਚੁਣੇ ਗਏ ਡਾਇਰੈਕਟਰਾਂ ਨੇ ਪ੍ਰਸ਼ਾਸਨ ਅਤੇ ਸਰਕਾਰ ਦਾ ਧੰਨਵਾਦ ਕੀਤਾ ਹੈ। ਇਸ ਮੌਕੇ ਚੁਣੇ ਗਏ ਡਾਇਰੈਕਟਰ ਬਲਵੀਰ ਸਿੰਘ ਉਰਫ ਬੀਰਾ ਬਾਜੇਵਾਲਾ ਦਾ ਸਰਬ ਸੰਮਤੀ ਨਾਲ ਡਾਇਰੈਕਟਰ ਬਣਨ ਤੇ ਪਿੰਡ ਵਾਸੀਆਂ ਨੇ ਪਿੰਡ ਪੁੱਜਣ ਤੇ ਉਨਾਂ ਦਾ ਹਾਰਾਂ ਨਾਲ ਸਨਮਾਨ ਕੀਤਾ ਗਿਆ। ਚੁਣੇ ਗਏ ਡਾਇਰੈਕਟਰ ਬਲਵੀਰ ਸਿੰਘ ਨੇ ਇਸ ਨਿਯੁਕਤੀ ਤੇ ਜਿੱਥੇ ਸਬੰਧਤ ਮਹਿਕਮਾ, ਹਲਕੇ ਦੇ ਵਿਧਾਇਕ ਐਡਵੋਕੇਟ ਗੁਰਪ੍ਰੀਤ ਸਿੰਘ ਬਣਾਵਾਲੀ ਅਤੇ ਸਰਕਾਰ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਉਹ ਸੌਂਪੀ ਹੋਈ ਜਿੰਮੇਵਾਰੀ ਨੂੰ ਤਨ ਦੇਹੀ ਨਾਲ ਨਿਭਾਉਣ ਦੀ ਕੋਸ਼ਿਸ਼ ਕਰਨਗੇ। ਸਨਮਾਨ ਕਰਨ ਮੌਕੇ ਹਰਮੀਤ ਸਿੰਘ , ਸੁਖਦੇਵ ਸਿੰਘ, ਸੁਖਵਿੰਦਰ ਸਿੰਘ, ਗੁਰਪ੍ਰੀਤ ਸਿੰਘ ਮੋਹਣੀ, ਗੋਰਾ ਸਿੰਘ, ਜਗਜੀਤ ਸਿੰਘ, ਬੋਘਾ ਸਿੰਘ, ਜਥੇਦਾਰ ਮਿੱਠੂ ਸਿੰਘ, ਮਹਿੰਦਰ ਸਿੰਘ, ਮਿੱਠੂ ਸਿੰਘ, ਜਸ ਧਾਲੀਵਾਲ, ਹੁਕਮੀ ਖਾਂ , ਕਾਲਾ ਹਲਵਾਈ ਆਦਿ ਤੋਂ ਇਲਾਵਾ ਵੱਡੀ ਗਿਣਤੀ ਚ ਪਿੰਡ ਵਾਸੀ ਹਾਜ਼ਰ ਸਨ।
