ਦੂਸਰੇ ਸਥਾਨ ਤੇ ਰਹਿਣ ਵਾਲੀ ਪਿੰਡ ਭੰਮੇ ਕਲਾਂ ਦੀ ਟੀਮ 21 ਹਜਾਰ ਰੁਪਏ ਨਕਦ ਇਨਾਮ ਤੇ ਸਨਮਾਨ ਚਿੰਨ ਦੇਕੇ ਸਨਮਾਨਿਤ ਕੀਤਾ ਗਿਆ।
ਸਰਦੂਲਗੜ੍ਹ/ਝੁਨੀਰ 12 ਜਨਵਰੀ ( ਗੁਰਮੇਲ ਭੰਮਾ): ਕ੍ਰਿਕੇਟ ਕਮੇਟੀ ਭੰਮੇ ਖੁਰਦ ਵੱਲੋਂ ਸਵ: ਅਮਨਦੀਪ ਸਿੰਘ ਅਤੇ ਜੱਗਾ ਸਿੰਘ ਦੀ ਯਾਦ ਨੂੰ ਸਮਰਪਿਤ ਪਿੰਡ ਦੇ ਐਨ.ਆਰ.ਆਈ. ਭਰਾਵਾਂ ਹਰਵਿੰਦਰ ਸਿੰਘ ਕਨੇਡਾ, ਹਰਜਿੰਦਰ ਸਿੰਘ ਹੈਰੀ ਕਨੇਡਾ, ਕੁਲਦੀਪ ਸਿੰਘ ਕਨੇਡਾ, ਖੁਸ਼ਦੀਪ ਸਿੰਘ ਕਨੇਡਾ, ਅਮਨਦੀਪ ਸਿੰਘ ਕਨੇਡਾ, ਹੈਪੀ ਕਨੇਡਾ ਦੇ ਸਹਿਯੋਗ ਸਦਕਾ ਛੇ ਰੋਜਾ ਕ੍ਰਿਕੇਟ ਟੂਰਨਾਮੈਂਟ ਕਰਵਾਏ ਗਏ। ਇਸ ਟੂਰਨਾਮੈਂਟ ਚ ਪੰਜਾਬ ਤੇ ਹਰਿਆਣਾ ਤੋਂ ਪੰਜ ਦਰਜਨ ਟੀਮਾਂ ਨੇ ਭਾਗ ਲਿਆ। ਟੂਰਨਾਮੈਂਟ ਦੇ ਅਖੀਰਲੇ ਦਿਨ ਬਤੌਰ ਮੁੱਖ ਮਹਿਮਾਨ ਸੰਦੀਪ ਸਿੰਘ ਕਾਲਾ ਪੀ.ਏ. ਟੂ ਵਿਧਾਇਕ ਗੁਰਪ੍ਰੀਤ ਸਿੰਘ ਬਣਾਂਵਾਲੀ, ਆਮ ਆਦਮੀ ਪਾਰਟੀ ਦੇ ਬਲਾਕ ਪ੍ਰਧਾਨ ਡਾ. ਰਸ਼ਦੀਪ ਸਿੰਘ ਸਰਪੰਚ ਕੋਟ ਧਰਮੂ ਅਤੇ ਲੇਬਰਫੈਡ ਮਾਨਸਾ ਦੇ ਚੇਅਰਮੈਨ ਡਾ: ਹਰਦੇਵ ਸਿੰਘ ਕੋਰਵਾਲਾ ਵਿਸ਼ੇਸ਼ ਤੌਰ ਤੇ ਪਹੁੰਚੇ। ਆਏ ਮਹਿਮਾਨਾਂ ਨੇ ਜੇਤੂ ਖਿਡਾਰੀਆਂ ਨੂੰ ਸਨਮਾਨਿਤ ਕਰਦਿਆਂ ਕਿਹਾ ਸੂਬੇ ਦੀ ਭਗਵੰਤ ਮਾਨ ਸਰਕਾਰ ਸੂਬੇ ਚ ਨਸ਼ੇ ਨੂੰ ਖਤਮ ਕਰਨ ਲਈ ਨੌਜਵਾਨਾਂ ਨੂੰ ਖੇਡਾਂ ਵੱਲ ਪ੍ਰੇਰਤ ਕਰ ਰਹੀ ਹੈ। ਪਿੰਡ ਪੱਧਰ ਤੇ ਖਿਡਾਰੀਆਂ ਨੂੰ ਮੁੱਢਲੀਆਂ ਸਹੂਲਤਾਂ ਪ੍ਰਦਾਨ ਕਰ ਰਹੀ ਹੈ। ਉਨ੍ਹਾਂ ਕ੍ਰਿਕੇਟ ਕਮੇਟੀ ਭੰਮੇ ਖੁਰਦ ਦੀਆਂ ਤਿੰਨ ਮੁੱਖ ਮੰਗਾਂ ਟੂਰਨਾਮੈਂਟ ਲਈ ਉਚਿਤ ਸਟੇਜ, ਮੇਨ ਗੇਟ ਦੀ ਉਸਾਰੀ ਅਤੇ ਜਿੰਮ ਆਦਿ ਦੇਣ ਦੀ ਮੰਗ ਜਲਦੀ ਹੀ ਪੂਰੀ ਕਰਨ ਦਾ ਭਰੋਸਾ ਦਿੱਤਾ। ਟੂਰਨਾਮੈਂਟ ਚ ਪਹਿਲਾਂ ਸਥਾਨ ਹਾਸਲ ਕਰਨ ਵਾਲੀ ਪਿੰਡ ਖਾਰਾ ਦੀ ਟੀਮ ਨੂੰ 31ਹਜਾਰ ਰੁਪਏ ਨਕਦ ਇਨਾਮ ਤੇ ਸਨਮਾਨ ਚਿੰਨ ਦੇਕੇ ਸਨਮਾਨਿਤ ਕੀਤਾ। ਦੂਸਰੇ ਸਥਾਨ ਤੇ ਰਹਿਣ ਵਾਲੀ ਪਿੰਡ ਭੰਮੇ ਕਲਾਂ ਦੀ ਟੀਮ 21 ਹਜਾਰ ਰੁਪਏ ਨਕਦ ਇਨਾਮ ਤੇ ਸਨਮਾਨ ਚਿੰਨ ਦੇਕੇ ਸਨਮਾਨਿਤ ਕੀਤਾ ਗਿਆ। ਟੂਰਨਾਮੈਂਟ ਦਾ ਬੈਸਟ ਬੈਟਸਮੈਨ ਵਿੱਕੀ ਹਖੀਰਾ ਨੂੰ ਅਤੇ ਬੈਸਟ ਬਾਉਲਰ ਸੁੱਖੀ ਧੌਲਾ ਅਤੇ ਬੈਸਟ ਮੈਨ ਆਫ ਦਾ ਸੀਰੀਅਜ਼ ਗੌਰਵ ਭੰਮੇ ਨੂੰ 5100-5100 ਰੁਪਏ ਨਕਦ ਇਨਾਮ ਤੇ ਸਨਮਾਨ ਚਿੰਨ ਦੇਕੇ ਸਨਮਾਨਿਤ ਕੀਤਾ ਗਿਆ। ਕ੍ਰਿਕੇਟ ਕਮੇਟੀ ਵੱਲੋਂ ਆਏ ਮਹਿਮਾਨਾ ਸਨਮਾਨ ਚਿੰਨ ਦੇਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਕਮੇਟੀ ਮੈਂਬਰ ਮਨਪ੍ਰੀਤ ਸਿੰਘ ਭੋਲਾ, ਬਲਕਾਰ ਸਿੰਘ, ਜੀਪ੍ਰੀਤ ਸਿੰਘ, ਗੁਰਪ੍ਰੀਤ ਗੁਰੀ, ਵਿਜੈ ਦੰਦੀਵਾਲ, ਜਸ਼ਨ, ਗੱਗੂ ਧਾਲੀਵਾਲਾ, ਕਾਕਾ ਸਿੰਘ, ਕੁਲਵਿੰਦਰ ਸਿੰਘ, ਸੁੱਖੀ ਧਾਲੀਵਾਲ, ਨਵਜੋਤ ਸਿੰਘ, ਹਰਪ੍ਰੀਤ ਸਿੰਘ, ਗੱਗੂ ਸਿੰਘ ਆਦਿ ਨੇ ਆਏ ਸਮੂਹ ਖਿਡਾਰੀਆਂ, ਸਹਿਯੋਗੀ ਸੱਜਣਾ, ਪਿੰਡ ਦੀ ਸਮੂਹ ਗ੍ਰਾਮ ਪੰਚਾਇਤ ਅਤੇ ਪਿੰਡ ਵਾਸੀਆਂ ਦਾ ਧੰਨਵਾਦ ਕੀਤਾ। ਕਮੇਟੀ ਵੱਲੋਂ ਪਿੰਡ ਦੀ ਗ੍ਰਾਂਮ ਪੰਚਾਇਤ ਅਤੇ ਮੋਹਤਵਾਰ ਵਿਅਕਤੀਆਂ ਨੂੰ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਡਾ. ਗੁਰਮੇਲ ਭੰਮਾ, ਡਾ. ਰਾਜਿੰਦਰ ਰਾਜੂ, ਡਾ. ਸੂਬਾ ਸਿੰਘ, ਅਰਸ਼ਦੀਪ ਸਿੰਘ, ਸਰਪੰਚ ਗੁਰਜੰਟ ਸਿੰਘ, ਸਤਪਾਲ ਸਿੰਘ, ਅਮਨਦੀਪ ਬੱਬੂ, ਭੋਲਾ ਸਿੰਘ ਬੰਸ਼ੀ, ਡਾ. ਰਾਮਜੀਤ ਰਾਮੂ ਸਿੰਘ, ਧੱਨਾ ਸਿੰਘ, ਬੁੱਧ ਸਿੰਘ, ਸੁਖਵਿੰਦਰ ਸਿੰਘ ਸੁੱਖੀ ਭੰਮਾਂ ਆਦਿ ਹਾਜਰ ਸਨ।
