ਸ਼ਹੀਦਾਂ ਦੇ ਸਿਰਤਾਜ ਪੰਚਮ ਪਾਤਿਸ਼ਾਹ ਸ੍ਰੀ ਗੁਰੂ ਅਰਜਨ ਦੇਵ ਜੀ ਦੇ ਸ਼ਹੀਦੀ ਪੁਰਬ ਨੂੰ ਸਮਰਪਿਤ ਥਾਣਾ ਸਦਰ ਬਰਨਾਲਾ ਵਲੋਂ ਠੰਡੇ ਮਿੱਠੇ ਪਾਣੀ ਅਤੇ ਬੂਟੇ ਵੰਡਣ ਦੀ  ਛਬੀਲ ਲਾਈ ਗਈ

ਬਰਨਾਲਾ 10, ਜੂਨ/ ਕਰਨਪ੍ਰੀਤ ਕਰਨ/- ਸ਼ਹੀਦਾਂ ਦੇ ਸਿਰਤਾਜ ਪੰਚਮ ਪਾਤਿਸ਼ਾਹ ਸ੍ਰੀ ਗੁਰੂ ਅਰਜਨ ਦੇਵ ਜੀ ਦੇ ਸ਼ਹੀਦੀ ਪੁਰਬ ਨੂੰ ਸਮਰਪਿਤ ਪੁਲਿਸ ਕੋਤਵਾਲੀ ਥਾਣਾ ਸਦਰ ਵੱਲੋਂ ਲਗਾਈ ਗਈ ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਡੀਐਸਪੀ ਸਿਟੀ ਸਤਵੀਰ ਸਿੰਘ ਨੇ ਦੱਸਿਆ ਕਿ ਸਮੁੱਚੇ ਪੁਲਿਸ ਮੁਲਾਜ਼ਮਾ ਦੇ ਆਪਸੀ ਸਹਿਯੋਗ ਤਹਿਤ ਅੱਜ ਗੁਰੂ ਸਾਹਿਬ ਜੀ ਨੂੰ ਸਮਰਪਿਤ ਛਬੀਲ ਲਾਈ ਗਈ ਹੈ ਜਿਸ ਵਿੱਚ ਠੰਡੇ ਮਿੱਠੇ ਪਾਣੀ ਦੇ ਨਾਲ ਨਾਲ ਬੂਟੇ ਵੰਡੇ ਗਏ  ਹਨ ਉਹਨਾਂ ਕਿਹਾ ਸ਼ਹੀਦਾਂ ਦੇ ਸਿਰਤਾਜ ਧੰਨ ਧੰਨ ਸ੍ਰੀ ਗੁਰੂ ਅਰਜਨ ਦੇਵ ਜੀ ਮਹਾਰਾਜ ਵੱਲੋਂ ਇਨਸਾਨੀਅਤ ਦੀ ਖਾਤਰ ਤੱਤੀ ਤਵੀ ਉੱਤੇ ਬੈਠ ਕੇ ਦਿੱਤੇ ਗਏ ਸੰਦੇਸ਼ ਨੂੰ ਹਰ ਇੱਕ ਇਨਸਾਨ ਨੂੰ ਆਪਣੀ ਜ਼ਿੰਦਗੀ ਦੇ ਵਿੱਚ ਧਾਰਨ ਕਰਨਾ ਚਾਹੀਦਾ ਆਪਸੀ ਕੁੜੱਤਣਤਾਂ ਨੂੰ ਘਟਾ ਕੇ ਇੱਕ ਦੂਜੇ ਪ੍ਰਤੀ ਠੰਡੇ ਮਿੱਠੇ ਅਤੇ ਭਾਈਚਾਰਕ ਵਿਚਾਰਾਂ ਦੀ ਸਾਂਝ ਰੱਖਣੀ ਚਾਹੀਦੀ ਹੈ। ਇਸ ਮੌਕੇ ਥਾਣਾ ਸਦਰ ਦੇ ਐਸਐਚ ਓ ਸਰਦਾਰ ਲਖਬੀਰ ਸਿੰਘ ਖਾਲਸਾ  ਨੇ ਕਿਹਾ ਕਿ ਅੰਤਾਂ ਦੀ ਪੈ ਰਹੀ ਗਰਮੀ ਅਤੇ ਤਪਸ ਨੂੰ ਘਟਾਉਣ ਲਈ ਸਾਨੂੰ ਵੱਧ ਤੋਂ ਵੱਧ ਬੂਟੇ ਲਾਉਣੇ ਚਾਹੀਦੇ ਹਨ ਤਾਂ ਜੋ ਹਰੈ ਭਰੇ ਵਾਤਾਵਰਨ ਕਾਰਨ ਤਪਸ ਘਟ ਸਕੇ ਇਸ ਮੌਕੇ ਸਮੁੱਚਾ ਸਟਾਫ ਹਾਜ਼ਰ ਸੀ