ਪਿੰਡ ਢੱਡਿਆਂ ਦੇ ਆਸ਼ਾ ਵਰਕਰ ਦੇ ਪੰਚ ਜਸਵੀਰ ਕੌਰ ਨੂੰ ਉਚੇਚੇ ਤੌਰ ਤੇ ਗਣਤੰਤਰਤਾ ਦਿਵਸ ਮੌਕੇ ਹਮਸਫਰ ਯੂਥ ਕਲੱਬ ਜਿਲਾ ਸਨਮਾਨ ਨਾਲ ਕੀਤਾ ਜਾਵੇਗਾ ਸਨਮਾਨਿਤ
ਜਲੰਧਰ,(ਭਾਟੀਆ)- ਸਿਵਿਲ ਸਰਜਨ ਜਲੰਧਰ ਦੇ ਆਈ ਮੋਬਾਇਲ ਯੂਨਿਟ ਦੀ ਦੇਖਰੇਖ ਵਿਚ ਹਮਸਫਰ ਯੂਥ ਕਲੱਬ ਵੱਲੋਂ ਬੀਤੀ ਦਿਨੀਂ ਪਿੰਡ ਢਡੇ ਵਿਖੇ ਮੁਫਤ ਅੱਖਾਂ ਦੀ ਜਾਂਚ ਤੇ ਅਪਰੇਸ਼ਨ ਜਾਂਚ ਕੈਂਪ ਲਗਾਇਆ ਗਿਆ।
ਜਿਸ ਵਿੱਚ ਸਿਵਿਲ ਸਰਜਨ ਜਲੰਧਰ ਦੇ ਹੋਣਹਾਰ ਤੇ ਮਾਹਿਰ ਡਾਕਟਰ ਸਾਹਿਬਾਨ ਡਾਕਟਰ ਗੁਰਪ੍ਰੀਤ ਕੌਰ ਸਟੇਟ ਐਵਾਰਡੀ ਵੱਲੋਂ 114 ਮਰੀਜਾਂ ਦੀਆਂ ਅੱਖਾਂ ਦੇ ਚੈੱਕਅਪ ਕਰਕੇ 9 ਮਰੀਜ਼ ਅੱਖਾਂ ਦੇ ਅਪਰੇਸ਼ਨ ਲਈ ਚੁਣੇ ਗਏ।
ਜਿਹਨਾਂ ਮਰੀਜਾਂ ਨੂੰ ਸਿਵਿਲ ਹਸਪਤਾਲ ਜਲੰਧਰ ਲਿਆ ਕੇ ਪਿੰਡ ਢੱਡੇ ਦੇ ਪੰਚ ਤੇ ਆਸ਼ਾ ਵਰਕਰ ਜਸਵੀਰ ਕੌਰ ਵੱਲੋਂ ਪੂਰੀ ਮਿਹਨਤ ਤੇ ਸੇਵਾ ਭਾਵਨਾ ਸਧਕੇ ਪਹਿਲਾ ਸਾਰੇ ਮਰੀਜ਼ਾਂ ਦੀਆਂ ਪਰਚੀਆਂ ਤੇ ਫਾਇਲਾ ਤਿਆਰ ਕਰਵਾਈਆਂ ਅਤੇ ਸੈਂਪਲ ਲੇ ਕੇ ਐਚ ਬੀ, ਐਚ ਆਈ ਵੀ, ਹੈਪੇਟਾਇਟਸ ਬੀ ਹੈਪੇਟਾਇਟਸ ਸੀ, ਤੇ ਸੰਬੰਧੀ ਹੋਰ ਟੈਸਟ ਮੁਫਤ ਕਰਵਾਏ ਗਏ।
ਹਮਸਫ਼ਰ ਯੂਥ ਕਲੱਬ ਪ੍ਰਧਾਨ ਰੋਹਿਤ ਭਾਟੀਆ ਵੱਲੋਂ ਦਸਿਆ ਗਿਆ ਕਿ ਜਲੰਧਰ ਦੀਆਂ ਆਸ਼ਾ ਵਰਕਰਾਂ ਦੇ ਸਹਿਯੋਗ ਦੇ ਨਾਲ ਹਮਸਫਰ ਯੂਥ ਕਲੱਬ ਨਾਲ ਮਿਲ ਕੇ ਗਤੀਵਿਧੀਆਂ ਕੀਤੀਆਂ ਜਾਣਗੀਆਂ ਅਤੇ ਆਸ਼ਾ ਵਰਕਰਾਂ ਨੂੰ ਹਮਸਫਰ ਯੂਥ ਕਲੱਬ ਨਾਲ ਬਤੌਰ ਵਲੰਟੀਅਰ ਮੈਂਬਰ ਜੋੜਿਆ ਜਾਵੇਗਾ ਅਤੇ ਪੰਜਾਬ ਸਰਕਾਰ ਜਿਲ੍ਹਾ ਪ੍ਰਸ਼ਾਸ਼ਨ ਵੱਲੋਂ ਮਿਲਣ ਵਾਲੀਆਂ ਸਹੂਲਤਾਂ ਜੋ ਆਸ਼ਾ ਵਰਕਰਾਂ ਨੂੰ ਦਿੱਤੀਆਂ ਜਾਂਦੀਆਂ ਹਨ ਉਹਨਾਂ ਸਾਰਿਆਂ ਦੇ ਪ੍ਰਤੀ ਆਸ਼ਾ ਵਰਕਰਾਂ ਨੂੰ ਵੀ ਜਾਗਰੂਕ ਕੀਤਾ ਜਾਵੇਗਾ।
ਉਹਨਾਂ ਇਹ ਵੀ ਦੱਸਿਆ ਕਿ ਹਮਸਫਰ ਯੂਥ ਕਲੱਬ ਵੱਲੋਂ ਗਣਤੰਤਰ ਦਿਵਸ ਮੌਕੇ ਜਲੰਧਰ ਦੇ ਆਸ਼ਾ ਵਰਕਰਾਂ ਨੂੰ ਉਚੇਚੇ ਤੌਰ ਤੇ ਸਨਮਾਨ ਸਮਾਰੋਹ ਕਰਵਾਇਆ ਜਾਵੇਗਾ ਜਿਸ ਵਿੱਚ ਪਿੰਡ ਢੱਡਿਆਂ ਦੇ ਆਸ਼ਾ ਵਰਕਰ ਅਤੇ ਪੰਚ ਜਸਵੀਰ ਕੌਰ ਨੂੰ ਉਚੇਚੇ ਤੌਰ ਤੇ ਸਨਮਾਨਿਤ ਕੀਤਾ ਜਾਵੇਗਾ।
