ਦੇਹਰਾਦੂਨ : ਦੇਸ਼ ਦੇ ਪਹਿਲੇ ਚੀਫ ਆਫ ਡਿਫੈਂਸ ਸਟਾਫ (ਸੀਡੀਐੱਸ) ਜਨਰਲ ਬਿਪਿਨ ਰਾਵਤ, ਉਨ੍ਹਾਂ ਦੀ ਪਤਨੀ ਤੇ 11 ਹੋਰ ਫ਼ੌਜੀ ਅਧਿਕਾਰੀਆਂ ਦੀ ਦਰਦਨਾਕ ਮੌਤ ’ਤੇ ਫ਼ੌਜੀ ਕਲਿਆਣ ਮੰਤਰੀ ਗਣੇਸ਼ ਜੋਸ਼ੀ ਦੇ ਕੈਂਪ ਦਫ਼ਤਰ ’ਚ ਸ਼ਰਧਾਂਜਲੀ ਸਭਾ ਦਾ ਪ੍ਰਬੰਧ ਕੀਤਾ ਗਿਆ। ਇਸ ਦੌਰਾਨ ਹੰਸ ਫਾਊਂਡੇਸ਼ਨ ਦੀ ਸੰਸਥਾਪਕ ਮਾਤਾ ਮੰਗਲਾ ਨੇ ਫ਼ੌਜੀ ਧਾਮ ਦੇ ਪ੍ਰਵੇਸ਼ ਦੁਆਰ ਦਾ ਨਿਰਮਾਣ ਜਨਰਲ ਰਾਵਤ ਦੇ ਨਾਮ ’ਤੇ ਕਰਨ ਦਾ ਐਲਾਨ ਕੀਤਾ
ਕੈਬਨਿਟ ਮੰਤਰੀ ਗਣੇਸ਼ ਜੋਸ਼ੀ ਨੇ ਕਿਹਾ ਕਿ ਜਨਰਲ ਬਿਪਿਨ ਰਾਵਤ ਨਾਲ ਉਨ੍ਹਾਂ ਦੇ ਘਰੇਲੂ ਸਬੰਧ ਸਨ। ਉਹ ਅਜੇ ਵੀ ਵਿਸ਼ਵਾਸ ਨਹੀਂ ਕਰ ਸਕਦੇ ਕਿ ਜਨਰਲ ਰਾਵਤ ਨਹੀਂ ਰਹੇ। ਇਹ ਪੂਰੇ ਸੂਬੇ ਲਈ ਬਹੁਤ ਹੀ ਭਾਵੁਕ ਅਤੇ ਪ੍ਰੇਸ਼ਾਨ ਕਰਨ ਵਾਲਾ ਪਲ ਹੈ। ਹੰਸ ਫਾਊਂਡੇਸ਼ਨ ਦੀ ਸੰਸਥਾਪਕ ਮਾਤਾ ਮੰਗਲਾ ਨੇ ਕਿਹਾ ਕਿ ਇਹ ਮੰਦਭਾਗਾ ਹੈ ਕਿ ਸੀਡੀਐਸ ਰਾਵਤ ਇਸ ਤਰ੍ਹਾਂ ਸਾਡੇ ਤੋਂ ਦੂਰ ਹੋ ਗਏ ਹਨ। ਉਨ੍ਹਾਂ ਐਲਾਨ ਕੀਤਾ ਕਿ ਸੈਨਿਕ ਧਾਮ ਦਾ ਮੁੱਖ ਗੇਟ ਸਵਰਗੀ ਜਨਰਲ ਬਿਪਿਨ ਰਾਵਤ ਦੇ ਨਾਂ ‘ਤੇ ਬਣਾਇਆ ਜਾਵੇਗਾ।
ਹੰਸ ਫਾਊਂਡੇਸ਼ਨ ਇਸ ਸ਼ਾਨਦਾਰ ਪ੍ਰਵੇਸ਼ ਦੁਆਰ ਦੇ ਨਿਰਮਾਣ ਵਿੱਚ ਪੂਰਾ ਸਹਿਯੋਗ ਕਰੇਗੀ। ਇਸ ਦੌਰਾਨ ਲੈਫਟੀਨੈਂਟ ਜਨਰਲ ਸ਼ਕਤੀ ਗੁਰੰਗ, ਮੇਜਰ ਜਨਰਲ ਕੇਡੀ ਸਿੰਘ, ਮੇਜਰ ਜਨਰਲ ਸ਼ੰਮੀ ਸੱਭਰਵਾਲ, ਬ੍ਰਿਗੇਡੀਅਰ ਕੇਜੀ ਬਹਿਲ, ਬ੍ਰਿਗੇਡੀਅਰ ਪੀਪੀਐਸ ਪਾਹਵਾ, ਕਰਨਲ ਦਿਲੀਪ ਪਟਨਾਇਕ, ਕਰਨਲ ਰਘੁਵੀਰ ਸਿੰਘ ਭੰਡਾਰੀ ਆਦਿ ਹਾਜ਼ਰ ਸਨ।
