ਸਾਰੇ ਈਵੈਂਟ ਜਿੱਤਣਾ ਮਾਨਸਾ ਲਈ ਮਾਣ ਵਾਲੀ ਗੱਲ-ਪ੍ਰਧਾਨ ਬਲਵਿੰਦਰ ਸਿੰਘ ਕਾਕਾ
ਮਾਨਸਾ ਗੁਰਜੰਟ ਸਿੰਘ ਸ਼ੀਂਹ ਦੇਸ਼ ਦੇ ਮਹਾਨ ਸ਼ਹੀਦੀ ਦਿਹਾੜੇ ਨੂੰ ਸਮਰਪਿਤ ਰਾਮਪੁਰਾ ਸਾਈਕਲਿੰਗ ਕਲੱਬ ਵੱਲੋਂ ਰੰਗ ਦੇ ਬਸੰਤੀ ਨਾਮ ਹੇਠ ਬੀਤੇ ਕੱਲ ਮਿਤੀ 23-03-2025 ਨੂੰ ਰਾਮਪੁਰਾਫੂਲ ਵਿਖੇ ਸਾਈਕਲ ਰੇਸ ਅਤੇ ਰਾਈਡ ਦਾ ਆਯੋਜਨ ਕਰਵਾਇਆ ਗਿਆ।ਇਸ ਸਾਈਕਲਿੰਗ ਕੰਪੀਟੀਸ਼ਨ ਵਿੱਚ ਪੰਜਾਬ ਦੇ ਬਹੁਤ ਸਾਰੇ ਸਿਰਕੱਢ ਸਾਈਕਲਿਸਟ ਉਚੇਚੇ ਤੌਰ ਤੇ ਹੁੰਮ ਹੁੰਮਾ ਕੇ ਪੁੱਜੇ। ਉਥੇ ਹੀ ਈਕੋ ਵੀਲਰਜ ਸਾਈਕਲ ਕਲੱਬ ਮਾਨਸਾ ਦੇ 10 ਯੋਧੇ ਅਮਨਦੀਪ ਸਿੰਘ ਉਰਫ ਅਮਨ ਔਲਖ, ਅੰਕੁਸ਼ ਜਿੰਦਲ, ਰਾਕੇਸ਼ ਗੋਇਲ, ਕਨਵਰ ਜਟਾਣਾ, ਲੋਕ ਰਾਮ ਸਾਕੀਆ, ਗੁਰਪ੍ਰੀਤ ਸਦਿਓੜਾ, ਆਲਮ ਸਿੰਘ ਰਾਣਾ, ਸੁਨੀਲ ਕੁਮਾਰ, ਜਰਨੈਲ ਸਿੰਘ, ਜਸਵਿੰਦਰ ਕੌਰ ਚਹਿਲ ਅਤੇ ਪ੍ਰਧਾਨ ਬਲਵਿੰਦਰ ਸਿੰਘ ਕਾਕਾ ਨੇ ਇਸ ਕੰਪੀਟੀਸ਼ਨ ਵਿੱਚ ਹਿੱਸਾ ਲਿਆ।
ਰਾਸ਼ਟਰੀ ਅਤੇ ਅੰਤਰ ਰਾਸ਼ਟਰੀ ਸਾਈਕਲਿੰਗ ਕਲੱਬਾਂ ਵਿੱਚ ਭਾਗ ਲੈ ਕੇ ਲੋਹਾ ਮੰਨਵਾ ਚੁੱਕੇ 9 ਵਾਰ ਦੇ ਐਸ.ਆਰ. ਵਿਜੇਤਾ ਅਮਨਦੀਪ ਸਿੰਘ ਉਰਫ ਅਮਨ ਔਲਖ ਵੱਲੋਂ 50 ਕਿਲੋਮੀਟਰ ਦੀ (50 ਤੋਂ ਘੱਟ ਉਮਰ) ਸਾਈਕਲ ਰੇਸ ਵਿੱਚੋਂ ਪਹਿਲਾ ਸਥਾਨ ਹਾਸਲ ਕੀਤਾ। ਇਸੇ ਤਰਾ ਅੰਕੁਸ਼ ਜਿੰਦਲ ਨੇ ਤੀਸਰਾ, ਕਨਵਰ ਜਟਾਣਾ ਨੇ ਚੌਥਾ,ਰਾਕੇਸ਼ ਗੋਇਲ(50 ਤੋਂ ਵੱਧ ਉਮਰ) ਨੇ ਤੀਸਰਾ ਅਤੇ 50 ਕਿਲੋਮੀਟਰ ਸਾਈਕਲ ਰਾਈਡ ਵਿੱਚ ਹਿੱਸਾ ਲੈਣ ਵਾਲੇ ਈਕੋ ਵੀਲਰਜ ਕਲੱਬ ਦੇ ਬਾਕੀ ਦੇ ਸਾਰੇ ਹੀ ਯੋਧਿਆ ਨੇ ਪਹਿਲੀ ਕਤਾਰ ਵਿੱਚ ਇਹ ਰਾਈਡ ਪੂਰੀ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ। ਕਲੱਬ ਦੀ ਹੋਣਹਾਰ ਰਾਈਡਰ ਜਸਵਿੰਦਰ ਕੌਰ ਚਹਿਲ ਨੇ ਪਹਿਲੀ ਵਾਰ ਹਿੱਸਾ ਲੈ ਕੇ 30 ਕਿਲੋਮੀਟਰ ਦੀ ਰਾਈਡ ਵਿੱਚ ਵਧੀਆ ਪ੍ਰਦਰਸ਼ਨ ਕਰਦਿਆ ਪੂਰੀ ਕੀਤੀ।
ਪ੍ਰਧਾਨ ਬਲਵਿੰਦਰ ਸਿੰਘ ਕਾਕਾ ਜੋ ਖੁਦ ਇਸ ਈਵੈਂਟ ਦਾ ਹਿੱਸਾ ਸਨ, ਵੱਲੋਂ ਈਕੋ ਵੀਲਰਜ ਸਾਈਕਲ ਕਲੱਬ ਦਾ ਨਾਮ ਰੋਸ਼ਨ ਕਰਨ ਵਾਲੇ ਸਾਰੇ ਹੀ ਯੋਧਿਆ ਨੂੰ ਵਧਾਈ ਦਿੰਦਿਆ ਦੱਸਿਆ ਕਿ ਸਾਈਕਲ ਜਿਥੇ ਖੇਡਾਂ ਦਾ ਸਿੰਗਾਰ ਬਣ ਗਿਆ ਹੈ, ਉਥੇ ਹੀ ਇਸਦਾ ਵਾਤਾਵਰਣ ਨੂੰ ਬਚਾਉਣ ਅਤੇ ਸਰੀਰਕ ਫਿਟਨੈੱਸ ਵਿੱਚ ਵੀ ਇਸਦਾ ਅਹਿਮ ਯੋਗਦਾਨ ਹੈ। ਉਨਾਂ ਸਾਰੇ ਸ਼ਹਿਰ ਵਾਸੀਆ ਨੂੰ ਅਪੀਲ ਕੀਤੀ ਕਿ ਉਹ ਵੱਧ ਤੋਂ ਵੱਧ ਈਕੋ ਵੀਲਰਜ ਕਲੱਬ ਨਾਲ ਜੁੜਨ ਅਤੇ ਤੰਦਰੁਸਤ ਜੀਵਨ ਬਤੀਤ ਕਰਨ।
