ਫਰੀਦਕੋਟ 21 ਜਨਵਰੀ ( ਧਰਮ ਪ੍ਰਵਾਨਾਂ ) ਹਰ ਸਾਲ ਦੀ ਤਰ੍ਹਾਂ ਰੋਜ਼ ਇਨਕਲੇਵ ਵੈਲਫੇਅਰ ਸੋਸਾਇਟੀ ਰਜਿਸਟਰਡ ਨੇ ਆਪਣਾ ਸਲਾਨਾ ਸਨਮਾਨ ਸਮਾਰੋਹ ਪਾਰਕ ਵਿੱਚ, ਪ੍ਰਧਾਨ ਭੁਪਿੰਦਰ ਪਾਲ ਸਿੰਘ, ਸਕੱਤਰ ਪ੍ਰੀਤਮ ਸਿੰਘ ਸ਼ਾਸਲ, ਕੈਸ਼ੀਅਰ ਦਰਸ਼ਨ ਲਾਲ ਚੁੰਘ ਅਤੇ ਸੀਨੀਅਰ ਮੀਤ ਪ੍ਰਧਾਨ ਰਾਕੇਸ਼ ਕੁਮਾਰ (ਕੇਸ਼ਾ) ਦੀ ਅਗਵਾਈ ਹੇਠ, ਬੱਚਿਆਂ ਦਾ ਕਲਚਰਲ ਪ੍ਰੋਗਰਾਮ, ਨਵੇਂ ਪਰਿਵਾਰਾਂ ਦੀ ਜਾਣ ਪਛਾਣ ਕਰਵਾਉਣ ਹਿੱਤ, ਬਜ਼ੁਰਗਾਂ ਦਾ ਸਨਮਾਨ ਕਰਨ ਹਿੱਤ, ਸਾਲਾਨਾ ਉਤਸਵ ਮਨਾਇਆ। ਇਸ ਸਮਾਗਮ ਵਿੱਚ ਗੁਰਤੇਜ ਸਿੰਘ (ਤੇਜਾ ਭਲਵਾਨ) ਐਮ ਸੀ ਸੀਨੀਅਰ ਲੀਡਰ, ਪਰਿਵਾਰ ਸਮੇਤ ਵਿਸ਼ੇਸ਼ ਤੌਰ ਤੇ ਪੁੱਜੇ। ਜਸ਼ਨ ਦੇ ਸ਼ੁਰੂਆਤ ਤੇ ਮੈਡਮ ਰੇਨੂੰ ਗਰਗ ਅਤੇ ਸੋਨੀਆ ਚੁੱਘ ਨੇ ਹਾਜ਼ਰੀਨ ਨੂੰ ਤੰਬੋਲਾ ਗੇਮ ਕਰਵਾ ਕੇ ਜੇਤੂਆਂ ਨੂੰ ਸ਼ਾਨਦਾਰ ਤੋਹਫੇ ਦੇ ਕੇ ਸਨਮਾਨਤ ਕਰਵਾਇਆ।
ਇਹ ਤੋਹਫੇ ਸਮਾਈਲ ਕੌਮਨੀਕੇਸ਼ਨ ਵਾਲੇ ਧਰਮ ਪਾਲ ਵੱਲੋਂ ਸਪਾਂਸਰ ਕੀਤੇ ਗਏ ਸਨ। ਪ੍ਰਧਾਨ ਭੁਪਿੰਦਰ ਪਾਲ ਸਿੰਘ ਨੇ ਸਭ ਨੂੰ ਜੀ ਆਇਆ ਕਹਿੰਦੇ ਹੋਇਆ ਦੱਸਿਆ ਕਿ ਅੱਜ ਦਾ ਇਹ ਉਤਸਵ ਵਿੱਚ ਨਵਜੰਮੀਆਂ ਬੱਚੀਆਂ ਨੂੰ ਅਤੇ 80 ਸਾਲ ਦੇ ਵੱਧ ਦੇ ਸਤਿਕਾਰਤ ਬਜ਼ੁਰਗਾਂ ਨੂੰ ਸਨਮਾਨਿਤ ਕਰਦਿਆਂ ਹੋਇਆ ਰੋਜ ਇਨਕਲੇਵ ਵਿਖੇ ਆਏ ਨਵੇਂ ਪਰਿਵਾਰਾਂ ਦੀ ਜਾਣ ਪਛਾਣ ਵੀ ਕਰਵਾਈ ਜਾਵੇਗੀ। ਮੰਚ ਸੰਚਾਲਕ ਦੀ ਭੂਮਿਕਾ ਸਕੱਤਰ ਪ੍ਰੀਤ ਬਾਂਸਲ ਅਤੇ ਅਮਨਿੰਦਰ (ਬੰਟੀ) ਨੇ ਬਹੁਤ ਹੀ ਸ਼ਾਇਰਾਨਾ ਅੰਦਾਜ਼ ਵਿੱਚ ਕਰਵਾਈ। ਜਸ਼ਨ ਦੌਰਾਨ ਬੱਚਿਆਂ ਅਤੇ ਬੱਚੀਆਂ ਵੱਲੋਂ ਮਿਹਨਤ ਨਾਲ ਕੀਤੀ ਤਿਆਰੀ ਦੀਆਂ ਪੇਸ਼ਕਾਰੀਆਂ ਬਹੁਤ ਹੀ ਵੇਖਣ ਯੋਗ ਅਤੇ ਸ਼ਲਾਘਾ ਯੋਗ ਸਨ। ਨਵ ਜੰਮੀਆ ਬੱਚੀਆਂ ਲਫਜ਼ ਕਾਲੜਾ ਅਤੇ ਕਾਇਰਾ ਗੁਪਤਾ ਨੂੰ ਅਤੇ 80 ਸਾਲ ਤੋਂ ਵੱਧ ਦੇ ਸਤਿਕਾਰਤ ਬਜੁਰਗਾਂ ਬਿਸ਼ਨ ਦਾਸ ਅਰੋੜਾ, ਰਿਟਾਇਰਡ ਅਫਸਰ, ਜਰਨੈਲ ਸਿੰਘ ਰਿਟਾਇਰਡ ਮੈਨੇਜਰ, ਸ੍ਰੀਮਤੀ ਗੁਰਦਿਆਲ ਕੌਰ ਰਿਟਾਇਰਡ ਹੈਡ ਟੀਚਰ ਮਾਨ ਸਿੰਘ ਰਿਟਾਇਰਡ ਪੰਜਾਬੀ ਟੀਚਰ, ਸਫਲ ਕਾਰੋਬਾਰੀ ਰਵਿੰਦਰ ਕੁਮਾਰ, ਵਧਵਾ ਡੈਡ ਸੰਨਜ) ਅਤੇ ਸਦਾ ਨੰਦ ਚਾਵਲਾ ਜੀ ਨੂੰ ਸ਼ਾਨਦਾਰ ਤੋਹਫੇ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਪ੍ਰੋਗਰਾਮ ਨੂੰ ਸਫਲ ਕਰਨ ਲਈ ਰਾਜ ਕੁਮਾਰ ਸਚਦੇਵਾ, ਅਮਰਦੀਪ ਸਿੰਘ ਗਰੋਵਰ, ਬਲਦੇਵ ਰਾਜ ਤੇਰੀਆ, ਚੰਦਨ ਕੱਕੜ, ਦੀਪਕ ਮਖੀਜਾ, ਰਾਜਨ ਨਾਗਪਾਲ, ਵਿਕਾਸ ਮੌਂਗਾ, ਵੱਲੋਂ ਵਿਸ਼ੇਸ਼ ਯੋਗਦਾਨ ਪਾਇਆ ਗਿਆ ਜਸ਼ਨ ਦੀ ਰੌਣਕ ਵਧਾਉਣ ਲਈ ਸਮੀਤ, ਸਖੀਜਾ ਬਿਮਲ ਅਰੋੜਾ,ਜਗਦੇਵ ਰਾਜ ਤੇਰੀਆ, ਪ੍ਰੇਮ ਕੁਮਾਰ ਗਾਂਧੀ, ਐਮ. ਈ. ਰਾਕੇਸ਼ ਕੁਮਾਰ ਕੰਬੋਜ, ਗੋਪਾਲ ਕ੍ਰਿਸ਼ਨ ਕਾਲੜਾ, ਧਰਮਵੀਰ ਕਟਾਰੀਆ, ਗੌਰਵ ਕਟਾਰੀਆ, ਸਨੀ ਚਾਵਲਾ, ਸੰਦੀਪ ਧੀਂਗੜਾ, ਸਰਬਜੀਤ ਲੋਕੀ, ਇੰਦਰਜੀਤ ਉਬਰਾਏ, ਡਾਕਟਰ ਗੁਰਿੰਦਰ ਮੋਹਨ ਸਿੰਘ, ਡਾਕਟਰ ਮਕੇਸ਼ ਸਿੰਘਲਾ, ਡਾਕਟਰ ਉਪਿੰਦਰਜੀਤ, ਗੌਰਵ ਰਹੇਜਾ,ਡਾਕਟਰ ਪ੍ਰਦੀਪ ਕੁਮਾਰ ਹੈਪੀ ਚਾਵਲਾ, ਰਾਜਾ ਤੇ ਨਿਸ਼ ਮੰਗੋਵਾਲੀਆ, ਸੋਨੂ ਅਤੇ ਜੁਗਨੂ ਚੁੰਘ, ਬਲਦੇਵ ਰਾਜ ਗਰਗ, ਰਮੇਸ਼ ਕੁਮਾਰ ਭਾਰਤੀ, ਮੰਟੂ ਸਖੀਜਾ, ਅਸ਼ੋਕ ਕੁਮਾਰ ਵਧਵਾ, ਅਰਨ ਸਿੰਗਲਾ, ਗੋਬਿੰਦ ਰਾਮ ਗਰਗ, ਨਰਿੰਦਰ ਮਿੱਤਲ, ਸੁਭਾਸ਼ ਚਾਵਲਾ, ਰਵਿੰਦਰ ਅਗਰਵਾਲ, ਵਿਸ਼ਾਲ ਸਿੰਗਲਾ, ਜੇਤਿਸ਼ ਮੰਗਾ, ਤੋਂ ਇਲਾਵਾ ਹੋਰ ਵੀ ਬਹੁਤ ਸਾਰੇ ਮੈਂਬਰਾਂ ਨੇ ਪਰਿਵਾਰ ਸਮੇਤ ਹਾਜ਼ਰੀ ਲਵਾ ਕੇ ਡੀ ਜੇ ਦੀਆਂ ਧੁੰਨਾਂ ਤੇ ਗਿੱਧੇ, ਭੰਗੜੇ ਦੀਆਂ ਧਮਾਲਾਂ ਪਾ ਕੇ ਸਭ ਨੇ ਖੂਬ ਆਨੰਦ ਮਾਣਿਆ ਅਤੇ ਸਮਾਗਮ ਨੂੰ ਯਾਦਗਾਰੀ ਸਮਾਗਮ ਬਣਾਇਆ।
