ਬੁਢਲਾਡਾ ਦਵਿੰਦਰ ਸਿੰਘ ਕੋਹਲੀ ਇਲਾਕੇ ਦੀ ਸਮਾਜ ਸੇਵੀ ਸੰਸਥਾ ਨੇਕੀ ਫਾਉਂਡੇਸ਼ਨ ਬੁਢਲਾਡਾ ਵੱਲੋਂ ਨੇੜਲੇ ਪਿੰਡ ਨਰਿੰਦਰਪੁਰਾ ਵਿਖੇ ਨੌਜਵਾਨ ਏਕਤਾ ਕਲੱਬ ਨਰਿੰਦਰਪੁਰਾ ਦੇ ਸਹਿਯੋਗ ਨਾਲ ਖੂਨਦਾਨ ਕੈੰਪ ਲਗਾਇਆ ਗਿਆ ਜਿੱਥੇ ਸਰਕਾਰੀ ਬਲੱਡ ਸੈਂਟਰ ਮਾਨਸਾ ਦੀ ਟੀਮ ਵੱਲੋਂ ਖੂਨ ਇਕੱਤਰ ਕੀਤਾ ਗਿਆ। ਕੈੰਪ ਵਿੱਚ ਔਰਤਾਂ ਸਮੇਤ 35 ਖੂਨਦਾਨੀਆਂ ਨੇ ਉਤਸ਼ਾਹ ਨਾਲ ਭਾਗ ਲਿਆ। ਕੈੰਪ ਦਾ ਉਦਘਾਟਨ ਬਾਬਾ ਆਤਮਾ ਸਿੰਘ ਗ੍ਰੰਥੀ ਸਾਹਿਬ, ਪਿੰਡ ਨਰਿੰਦਰਪੁਰਾ ਨੇ ਕੀਤਾ। ਇਸ ਮੌਕੇ ਸੰਸਥਾ ਨੇਕੀ ਫਾਉਂਡੇਸ਼ਨ ਨੇ ਸਾਰੇ ਖੂਨਦਾਨੀਆਂ ਨੂੰ ਸਰਟੀਫਿਕੇਟ ਅਤੇ ਗਿਫ਼ਟ ਨਾਲ ਸਨਮਾਨਿਤ ਕੀਤਾ। ਸੰਸਥਾ ਨੇ ਸਮੂਹ ਗ੍ਰਾਮ ਨਿਵਾਸੀਆਂ,ਗ੍ਰਾਮ ਪੰਚਾਇਤ ਅਤੇ ਕਲੱਬ ਦਾ ਸਹਿਯੋਗ ਲਈ ਧੰਨਵਾਦ ਕੀਤਾ। ਇਸ ਮੌਕੇ ਟੀਮ ਨੇਕੀ ਸਮੇਤ ਸਰਪੰਚ ਸਰਬਜੀਤ ਕੌਰ, ਅਜਾਇਬ ਸਿੰਘ, ਪੰਚ ਬਲਕਰਨ ਸਿੰਘ, ਮੀਤ ਸਿੰਘ, ਜਲ ਕੌਰ, ਨਸੀਬ ਕੌਰ, ਜਸਵਿੰਦਰ ਕੌਰ, ਛਿੰਦਾ ਸਿੰਘ, ਅੰਮ੍ਰਿਤਪਾਲ ਕੌਰ, ਹਰਵਿੰਦਰ ਬਿੰਦੀ (ਪ੍ਰਧਾਨ), ਬਲਜਿੰਦਰ ਸਿੰਘ (ਸੈਕਟਰੀ), ਮਨੋਜ ਕੁਮਾਰ (ਖਜ਼ਾਨਚੀ) ਆਦਿ ਨੇ ਕੈੰਪ ਨੂੰ ਸਫ਼ਲ ਬਣਾਉਣ ਵਿੱਚ ਆਪਣਾ ਯੋਗਦਾਨ ਪਾਇਆ।
