ਜਲੰਧਰ 3 ਜਨਵਰੀ ਬਿਊਰੋ ਰਿਪੋਰਟ – ਮਾਣਯੋਗ ਡਿਪਟੀ ਕਮਿਸ਼ਨਰ ਜਲੰਧਰ ਡਾ. ਹਿਮਾਂਸ਼ੂ ਅਗਰਵਾਲ ਜੀ ਦੀ ਯੋਗ ਅਗਵਾਈ ਵਿੱਚ ਸਹਾਇਕ ਡਾਇਰੈਕਟਰ ਯੁਵਕ ਸੇਵਾਵਾਂ ਰਵੀ ਦਾਰਾ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਨਕੋਦਰ ਅਤੇ ਮਲਸੀਆ ਵਿੱਚ ਨਸ਼ਾ ਵਿਰੋਧੀ ਜਾਗਰੂਕਤਾ ਅਭਿਆਨ ਕਰਵਾਇਆ ਗਿਆ ਜਿਸ ਵਿੱਚ ਯੁਵਕ ਸੇਵਾਵਾਂ ਵਿਭਾਗ ਤੋਂ ਮਾਨਤਾ ਪ੍ਰਾਪਤ ਕਲੱਬ ਯੂਥ ਐਂਡ ਸਪੋਰਟਸ ਕਲੱਬ ਸਲੈਚਾਂ ਅਤੇ ਯੁਵਕ ਸੇਵਾਵਾਂ ਕਲੱਬ ਪਿਪਲੀ ਵੱਲੋਂ ਜੋਗਾ ਸਿੰਘ ਉਰਫ ਤਾਈ ਜਗੀਰੋ ਵੱਲੋਂ ਆਪਣੀ ਟੀਮ ਨਾਲ਼ ਨੁੱਕੜ ਨਾਟਕ ਅਤੇ ਨਸ਼ਾ ਵਿਰੋਧੀ ਬੋਲੀਆਂ ਨਾਲ਼ ਖੂਬ ਰੰਗ ਬੰਨਿਆ ਗਿਆ
ਮੇਲਿਆਂ ਦੇ ਬਾਦਸ਼ਾਹ ਦਲਵਿੰਦਰ ਦਿਆਲਪੁਰੀ ਨੇ ਆਪਣੇ ਗੀਤਾਂ ਨਾਲ ਨਸ਼ਿਆਂ ਉੱਪਰ ਕਰਾਰੀ ਸੱਟ ਮਾਰੀ। ਸਹਾਇਕ ਡਾਇਰੈਕਟਰ ਯੁਵਕ ਸੇਵਾਵਾਂ ਨੇ ਸਾਈਕਲ ਗੀਤ ਗਾ ਕੇ ਮਿਸ਼ਨ ਤੰਦਰੁਸਤ ਪੰਜਾਬ ਲਈ ਨਾਰਾ ਲਾਇਆ ਇਸ ਮੌਕੇ ਤੇ ਪਿੰਡ ਦੇ ਪੰਚ ਸਰਪੰਚ ਅਤੇ ਹੋਰ ਪਤਵੰਤੇ ਸੱਜਣ ਖਾਸ ਤੌਰ ਤੇ ਹਾਜ਼ਰ ਸਨ।
ਸਹਾਇਕ ਡਾਇਰੈਕਟਰ,ਯੁਵਕ ਸੇਵਾਵਾਂ ਵਿਭਾਗ, ਜਲੰਧਰ।
