ਉਸਤਾਦ ਉਜਾਗਰ ਅੰਤਾਲ ਅਤੇ ਮੈਡਮ ਮਨੀਸ਼ਾ ਨੇ ਸੂਫ਼ੀ ਕਲਾਮ ਸੁਣਾ ਕੇ ਰੰਗ ਬੰਨ੍ਹਿਆ
ਬਰਨਾਲਾ 3 ਜਨਵਰੀ/-ਕਰਨਪ੍ਰੀਤ ਕਰਨ /-ਨਵੇਂ ਸਾਲ ਦੀ ਸ਼ੁਭ ਆਮਦ ‘ਤੇ ਸ਼੍ਰੀ ਰਾਮ ਸਵਰੂਪ ਸੰਗੀਤ ਸਦਨ ਵਿਖੇ ਸੂਫੀਆਨਾ ਕਲਾਮ ਨਾਮਕ ਪ੍ਰੋਗਰਾਮ ਕਰਵਾਇਆ ਗਿਆ। ਜਾਣਕਾਰੀ ਦਿੰਦਿਆਂ ਸ੍ਰੀ ਰਾਮ ਸਵਰੂਪ ਸੰਗੀਤ ਸਦਨ (ਰਜਿ.) ਬਰਨਾਲਾ ਦੇ ਪ੍ਰਧਾਨ ਡਾ.ਕੇ.ਸੀ. ਸਿਡਾਨਾ ਅਤੇ ਜਨਰਲ ਸਕੱਤਰ ਕਮਲ ਪ੍ਰਕਾਸ਼ ਸ਼ਰਮਾ ਨੇ ਦੱਸਿਆ ਕਿ ਹਰ ਸਾਲ ਦੀ ਤਰ੍ਹਾਂ ਉਨ੍ਹਾਂ ਦੀ ਸੰਸਥਾ ਵੱਲੋਂ ਨਵੇਂ ਸਾਲ ਦੀ ਆਮਦ ‘ਤੇ ਇਕ ਸੰਗੀਤਕ ਸ਼ਾਮ ਦਾ ਆਯੋਜਨ ਕੀਤਾ ਜਾਂਦਾ ਹੈ, ਇਸੇ ਲੜੀ ਤਹਿਤ ਬੁੱਧਵਾਰ ਸ਼ਾਮ ਨੂੰ ‘ਸੂਫੀਆਨਾ ਕਲਾਮ’ ਨਾਂ ਦਾ ਪ੍ਰੋਗਰਾਮ ਕਰਵਾਇਆ ਗਿਆ। ਇਸ ਮੌਕੇ ਕਲਾ ਦੀ ਪੇਸ਼ਕਾਰੀ ਲਈ ਉਸਤਾਦ ਉਜਾਗਰ ਅੰਟਾਲ ਅਤੇ ਪ੍ਰੋ: ਮਨੀਸ਼ਾ ਆਪਣੀ ਟੀਮ ਨਾਲ ਵਿਸ਼ੇਸ਼ ਤੌਰ ‘ਤੇ ਪਹੁੰਚੇ। ਉਨ੍ਹਾਂ ਨੇ ਸਭ ਤੋਂ ਪਹਿਲਾਂ ਰਾਗ ਪੁਰੀਆ ਧਨਾਸ਼੍ਰੀ ਦਾ ਵੱਡਾ ਅਤੇ ਛੋਟਾ ਖਿਆਲ ਪੇਸ਼ ਕੀਤਾ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਤੁਮਹੇ ਦਿਲਗੀ ਭੂਲ ਜਾਣੀ ਪਡੇਗੀ, ਨਿਤ ਖੈਰ ਮੰਗਾ ਆਦਿ ਗੀਤ ਗਾ ਕੇ ਸੰਗੀਤ ਪ੍ਰੇਮੀਆਂ ਦਾ ਮਨ ਮੋਹ ਲਿਆ। ਪ੍ਰੋਗਰਾਮ ਦੇ ਅੰਤ ‘ਚ ਪ੍ਰੋ: ਮਨੀਸ਼ਾ ਨੇ ‘ਮੇਰੀ ਝੋਪੜੀ ਕੇ ਭਾਗ ਆਜ ਖੁੱਲ ਜਾਏਂਗੇ’ ਦਾ ਗਾਇਨ ਕਰਕੇ ਮਾਹੌਲ ਨੂੰ ਭਗਤੀ ਵਾਲਾ ਬਣਾ ਦਿੱਤਾ। ਪ੍ਰੋਗਰਾਮ ਦੇ ਮੁੱਖ ਮਹਿਮਾਨ ਲਾਇਨਜ਼ ਕਲੱਬ ਸੁਪਰੀਮ ਬਰਨਾਲਾ ਦੇ ਪ੍ਰਧਾਨ ਅਸ਼ੋਕ ਕੁਮਾਰ ਗਰਗ (ਕੇਵੀ ਗੈਸ ਏਜੰਸੀ) ਅਤੇ ਡਾ: ਜਗਮੋਹਨ ਸ਼ਰਮਾ ਪਟਿਆਲਾ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਇਸ ਮੌਕੇ ਸ਼੍ਰੀ ਮਹਾਂ ਸ਼ਕਤੀ ਕਲਾ ਮੰਚ ਦੇ ਪ੍ਰਧਾਨ ਜਿੰਮੀ ਮਿੱਤਲ, ਜਨਰਲ ਸਕੱਤਰ ਹਰੀਸ਼ ਗੋਇਲ ਅਤੇ ਖਜ਼ਾਨਚੀ ਸ਼ੰਮੀ ਸਿੰਗਲਾ, ਗੀਤਾ ਭਵਨ ਟਰੱਸਟ ਦੇ ਬਸੰਤ ਕੁਮਾਰ ਗੋਇਲ ਅਤੇ ਰਜਿੰਦਰ ਗਾਰਗੀ, ਸਮਾਜ ਸੇਵੀ ਰਾਕੇਸ਼ ਬਬਲੂ ਸੰਦੋਓਡਾ, ਨੇਚਰ ਲਵਰਜ ਦੀ ਸਮੁੱਚੀ ਟੀਮ, ਵਿਜ਼ਿਟ ਹੋਟਲ ਦੇ ਐਮ.ਡੀ. ਲੋਕੇਸ਼ ਮਕੜਾ, ਵਾਈ.ਐਸ ਸਕੂਲ ਦੇ ਐਮ.ਡੀ.ਪ੍ਰੋ.ਦਰਸ਼ਨ ਕੁਮਾਰ, ਸੰਗੀਤ ਮਹਿੰਦਰ, ਬਰਨਾਲਾ ਸਪੋਰਟਸ ਐਂਡ ਸੋਸ਼ਲ ਵੇਲਫੇਅਰ ਕਲੱਬ ਦੇ ਪ੍ਰਧਾਨ ਰਾਮਪਾਲ ਸਿੰਗਲਾ ਆਦਿ ਵਿਸ਼ੇਸ਼ ਤੌਰ ‘ਤੇ ਪਹੁੰਚੇ। ਇਸ ਮੌਕੇ ਐਸ.ਐਲ ਕਟਾਰੀਆ, ਅਨਿਲ ਦੱਤ ਸ਼ਰਮਾ, ਰਣਜੀਤ ਸਿੰਘ ਗਿੱਲ, ਕੁਲਦੀਪ ਸਿੰਘ ਜੋਸ਼ੀ ਅਤੇ ਸੰਗੀਤ ਸਦਨ ਦੇ ਪ੍ਰਿੰਸੀਪਲ ਵਿਨੋਦ ਸ਼ਰਮਾ ਵੀ ਹਾਜ਼ਰ ਸਨ। ਸਮੁੱਚੇ ਪ੍ਰੋਗਰਾਮ ਦਾ ਸਟੇਜ ਸੰਚਾਲਨ ਅਨਿਲ ਦੱਤ ਸ਼ਰਮਾ ਨੇ ਬਾਖੂਬੀ ਨਿਭਾਇਆ। ਅੰਤ ਵਿੱਚ ਡਾ: ਕੇ ਸੀ ਸਿਡਾਨਾ ਨੇ ਆਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਸਦਨ ਵੱਲੋਂ ਸਾਰਿਆਂ ਲਈ ਖਾਣੇ ਦਾ ਪ੍ਰਬੰਧ ਵੀ ਕੀਤਾ ਗਿਆ।
