ਬਰਨਾਲਾ,23 ਦਸੰਬਰ/ ਕਰਨਪ੍ਰੀਤ ਕਰਨ /- ਗਾਂਧੀ ਆਰੀਆ ਸੀਨੀਅਰ ਸੈਕੈਂਡਰੀ ਸਕੂਲ ਬਰਨਾਲਾ ਦਾ ਸਲਾਨਾ ਇਨਾਮ ਵੰਡ ਸਮਾਰੋਹ ਹੋਇਆ!ਜਿਸ ਵਿੱਚ ਸਮਾਗਮ ਦੇ ਮੁੱਖ ਮਹਿਮਾਨ ਮੈਂਬਰ ਪਾਰਲੀਮੈਂਟ ਗੁਰਮੀਤ ਸਿੰਘ ਮੀਤ ਹੇਅਰ ਨੇ ਸੰਸਥਾ ਦੇ ਕੰਮਾਂ ਦੀ ਪ੍ਰਸ਼ੰਸਾ ਕਰਦੇ ਹੋਏ ਕਿਹਾ ਕਿ ਇਹ ਸੰਸਥਾ ਸਿੱਖਿਆ ਦੇ ਨਾਲ ਨਾਲ ਬੱਚਿਆਂ ਨੂੰ ਸਵੇ ਰੁਜ਼ਗਾਰ ਲਈ ਵੀ ਤਿਆਰ ਕਰਦੀ ਹੈ। ਇਸ ਸਕੂਲ ਵਿੱਚ ਚੱਲ ਰਹੇ ਸਲਾਈ ਸੈਂਟਰ ਵਿੱਚ 100 ਦੇ ਕਰੀਬ ਲੜਕੀਆਂ ਸਿਲਾਈ ਸਿੱਖ ਰਹੀਆਂ ਹਨ। ਇੱਥੇ ਬੱਚਿਆ ਨੂੰ ਖਾਣਾ ਬਣਾਉਣਾ ਵੀ ਸਿਖਾਇਆ ਜਾਂਦਾ ਹੈ। ਸੰਸਥਾ ਦੇ ਅਧਿਆਪਕ ਤੇ ਵਿਦਿਆਰਥੀ ਸਮਾਜ ਸੇਵੀ ਕੰਮਾਂ ਵਿੱਚ ਵੱਧ ਚੜ ਕੇ ਭਾਗ ਲੈਂਦੇ ਹਨ ਜਿਸ ਦੀ ਮਿਸਾਲ ਜਰੂਰਤਮੰਦ ਲੋਕਾਂ ਲਈ ਰੋਜਾਨਾ ਰਾਤ ਨੂੰ ਲੰਗਰ ਲਗਾਇਆ ਜਾਂਦਾ ਹੈ ਜਿੱਥੇ ਕਰੀਬ 200 ਲੋਕ ਭੋਜਨ ਕਰਦੇ ਹਨ। ਉਹਨਾਂ ਨੇ ਭਰੋਸਾ ਦਿੱਤਾ ਕਿ ਇਸ ਸੰਸਥਾ ਨੂੰ ਕਦੇ ਵੀ ਕਿਸੇ ਤੇ ਕਿਸਮ ਦੀ ਜਰੂਰਤ ਹੋਵੇ ਤਾਂ ਮੈਂ ਹਾਜ਼ਰ ਹਾਂ। ਸਕੂਲ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸੰਜੀਵ ਸ਼ੋਰੀ ਨੇ ਆਏ ਮਹਿਮਾਨਾਂ ਦਾ ਸਵਾਗਤ ਕਰਦੇ ਹੋਏ ਆਪਣੇ ਸਕੂਲ ਦੇ ਪ੍ਰਿੰਸੀਪਲ ਸਟਾਫ ਤੇ ਵਿਦਿਆਰਥੀਆਂ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਸਮਾਜ ਸੇਵਾ ਦੇ ਕੰਮਾਂ ਵਿੱਚ ਇਹ ਹਮੇਸ਼ਾ ਅੱਗੇ ਰਹਿੰਦੇ ਹਨ । ਉਹਨਾਂ ਕਿਹਾ ਕਿ ਦਾਨੀ ਸੱਜਣਾਂ ਦੇ ਸਹਿਯੋਗ ਨਾਲ ਸਕੂਲ ਵਿੱਚ ਅੱਜ ਸਾਰੀਆਂ ਸਹੂਲਤਾਂ ਉਪਲਬਧ ਹਨ । ਸਕੂਲ ਦੇ ਪ੍ਰਿੰਸੀਪਲ ਰਾਜ ਮਹਿੰਦਰ ਨੇ ਸਲਾਨਾ ਰਿਪੋਰਟ ਪੇਸ਼ ਕਰਦੇ ਹੋਏ ਕਿਹਾ ਕਿ ਅਸੀਂ ਬੱਚਿਆਂ ਨੂੰ ਚੰਗੇ ਇਨਸਾਨ ਬਣਾਉਣ ਲਈ ਲਗਾਤਾਰ ਯਤਨ ਕਰਦੇ ਆ ਰਹੇ ਹਾਂ ਉਹਨਾਂ ਕਿਹਾ ਕਿ ਸਿੱਖਿਆ ਦੇ ਨਾਲ ਨਾਲ ਗੁਰੂਆਂ ਦੇ ਦੱਸੇ ਰਸਤੇ ,ਮਾਨਵਤਾ ਦਾ ਪਾਠ ਸਿਖਾਉਣਾ ਸਾਡੀ ਪਹਿਲ ਰਹਿੰਦੀ ਹੈ।
ਸਮਾਗਮ ਵਿੱਚ ਵਿਦਿਆਰਥੀ ਨੇ ਗਿੱਧਾ ਭੰਗੜਾ,ਲੁੱਡੀ,ਦੇਸ਼ ਭਗਤੀ ਦੇ ਗੀਤ ,ਸਰਸਵਤੀ ਬੰਦਨਾ ਆਦਿ ਖੂਬਸੂਰਤ ਪ੍ਰੋਗਰਾਮ ਪੇਸ਼ ਕਰਕੇ ਸਾਰਿਆਂ ਦਾ ਮਨ ਮੋਹ ਲਿਆ । ਇਸ ਮੌਕੇ ਅਲੱਗ ਅਲੱਗ ਖੇਤਰ ਵਿੱਚ ਮੱਲਾਂ ਮਾਰਨ ਵਾਲੇ ਬੱਚਿਆਂ ਦਾ ਸਨਮਾਨ ਕੀਤਾ ਗਿਆ। ਸਮਾਜ ਸੇਵੀ ਬਾਬੂ ਲਖਪਤ ਰਾਏ, ਮਾਸਟਰ ਸਤਪਾਲ ਗੋਇਲ ,ਆਸ਼ੀਸ਼ ਜਿੰਦਲ, ਪੰਡਿਤ ਸ਼ਿਵ ਗੋੜ, ਪੰਡਿਤ ਚੁੰਨੀ ਲਾਲ, ਮੋਹਿਤ ਕੁਮਾਰ ਅਤੇ ਚੇਅਰਮੈਨ ਰਾਮ ਤੀਰਥ ਮੰਨਾ ਦਾ ਵੀ ਸਨਮਾਨ ਕੀਤਾ ਗਿਆ ਇਸ ਮੌਕੇ ਸਕੂਲ ਪ੍ਰਬੰਧਕ ਕਮੇਟੀ ਦੇ ਮੈਨੇਜਰ ਕੇਵਲ ਜਿੰਦਲ, ਪ੍ਰਦੀਪ ਕੁਮਾਰ ,ਪਵਨ ਸਿੰਗਲਾ ਅਸ਼ੋਕ ਕੁਮਾਰ ,ਰਾਜੇਸ਼ ਗਾਂਧੀ, ਪ੍ਰਿੰਸੀਪਲ ਅਨਿਲ ਮੋਦੀ ,ਪ੍ਰਿੰਸੀਪਲ ਚਾਰੂ ਕਪਲ, ਰਜਿੰਦਰ ਚੌਧਰੀ, ਰਾਜੇਸ਼ ਕਾਂਸਲ ,ਰਾਜੇਸ਼ ਕੁਮਾਰ ਮੱਪਾ, ਉਜਿੰਦਰ ਸਿੰਗਲਾ, ਵਿਜੇ ਕੁਮਾਰ ਗੋਇਲ, ਕੁਲਤਾਰ ਸਿੰਘ ਤਾਰੀ ,ਗੋਪਾਲ ਕ੍ਰਿਸ਼ਨ ,ਸੁਰਿੰਦਰ ਕੁਮਾਰ, ਰਾਕੇਸ਼ ਡੇਜੀ ,ਮਨੀਸ਼ ਕੁਮਾਰ, ਵਿਵੇਕ ਸਿੰਧਵਾਨੀ ਆਦਿ ਸ਼ਹਿਰ ਦੇ ਪਤਵੰਤੇ ਹਾਜ਼ਰ ਸਨ।
