ਬੀਬੀ ਕਮਲਜੀਤ ਕੌਰ ਨੂੰ ਕਾਮਯਾਬ ਬਣਾਓ, ਸਰਦੂਲਗੜ੍ਹ ਦਾ ਵੱਡੇ ਪੱਧਰ ਤੇ ਵਿਕਾਸ ਕਰਾਂਗੇ: ਬਿਕਰਮ ਮੋਫਰ
ਮਾਨਸਾ18 ਦਸੰਬਰ ਗੁਰਜੀਤ ਸ਼ੀਂਹ
ਸਰਦੂਲਗੜ੍ਹ ਦੇ ਵਾਰਡ ਨੰਬਰ ਇੱਕ ਤੋਂ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਕਮਲਜੀਤ ਕੌਰ ਪਤਨੀ ਸਵ: ਸੁਖਵਿੰਦਰ ਸਿੰਘ ਸੁੱਖੀ ਐਡਵੋਕੇਟ ਸਰਦੂਲਗੜ ਦੀ ਚੋਣ ਮੁਹਿੰਮ ਨੂੰ ਉਸ ਸਮੇਂ ਬਲ ਮਿਲਿਆ ਜਦੋਂ ਕਾਂਗਰਸ ਪਾਰਟੀ ਦੇ ਹਲਕਾ ਇੰਚਾਰਜ ਬਿਕਰਮ ਮੋਫਰ ਨੇ ਉਹਨਾਂ ਦੀ ਹਮਾਇਤ ਚ ਮੀਟਿੰਗਾਂ ਕਰਕੇ ਕਮਲਜੀਤ ਕੌਰ ਨੂੰ ਕਾਮਯਾਬ ਬਣਾਉਣ ਲਈ ਅਪੀਲ ਕੀਤੀ। ਇਸ ਮੌਕੇ ਬਿਕਰਮ ਮੋਫਰ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਦੇ ਤਿੰਨ ਸਾਲਾਂ ਦੇ ਰਾਜ ਚ ਸਰਦੂਲਗੜ੍ਹ ਦਾ ਕੋਈ ਵਿਕਾਸ ਨਹੀਂ ਹੋਇਆ ਸਿਰਫ ਕਾਂਗਰਸ ਸਰਕਾਰ ਵੇਲੇ ਐਲਾਨ ਕੀਤੇ ਕੰਮਾਂ ਨੂੰ ਹੀ ਹੁਣ ਤੱਕ ਪੂਰਾ ਕੀਤਾ ਗਿਆ ਹੈ। ਉਹਨਾਂ ਕਿਹਾ ਕਿ ਤੁਸੀਂ ਇੱਕ ਵਾਰ ਬੀਬੀ ਕਮਲਜੀਤ ਕੌਰ ਨੂੰ ਕਾਮਯਾਬ ਬਣਾਓ ਆਉਣ ਵਾਲੇ ਸਮੇਂ ਚ ਸਰਦੂਲਗੜ੍ਹ ਦਾ ਵੱਡੇ ਪੱਧਰ ਤੇ ਵਿਕਾਸ ਕੀਤਾ ਜਾਵੇਗਾ। ਸੁੱਖੀ ਪ੍ਰਧਾਨ ਦੀ ਧਰਮ ਪਤਨੀ ਦੇ ਹੱਕ ਚ ਜਿੱਥੇ ਵੱਖ ਵੱਖ ਵਾਰਡਾਂ ਚੋਂ ਉਨਾਂ ਦੀ ਹਮਾਇਤ ਤੇ ਲੋਕੀ ਪੁੱਜੇ ਉੱਥੇ ਵਿਧਾਨ ਸਭਾ ਹਲਕਾ ਸਰਦੁਲਗੜ੍ਹ ਤੋਂ ਕਾਂਗਰਸ ਪਾਰਟੀ ਦੇ ਸੈਂਕੜੇ ਪੰਚਾਂ, ਸਰਪੰਚਾਂ ਆਦਿ ਆਦਿ ਹਮਾਇਤੀਆਂ ਨੇ ਉਹਨਾਂ ਨੂੰ ਕਾਮਯਾਬ ਬਣਾਉਣ ਲਈ ਘਰ ਘਰ ਜਾ ਕੇ ਵੋਟਾਂ ਮੰਗੀਆਂ। ਇਸ ਮੌਕੇ ਉਹਨਾਂ ਦੇ ਨਾਲ ਸੱਤਪਾਲ ਵਰਮਾ, ਬਲਾਕ ਪ੍ਰਧਾਨ ਬਲਵੰਤ ਸਿੰਘ ਕੋਰ ਵਾਲਾ, ਸ਼ਹਿਰੀ ਪ੍ਰਧਾਨ ਮਥੁਰਾ ਦਾਸ ਗਰਗ, ਰਾਮ ਸਿੰਘ ਪ੍ਰਧਾਨ ਸਰਦੂਲਗੜ, ਦਰਸ਼ਨ ਕੁਮਾਰ ਗਰਗ,ਟਰੱਕ ਯੂਨੀਅਨ ਦੇ ਸਾਬਕਾ ਪ੍ਰਧਾਨ ਸੁਖਵਿੰਦਰ ਸਿੰਘ ਸੁੱਖੀ ਮੀਰਪੁਰ, ਸਾਬਕਾ ਸਰਪੰਚ ਬਲਜੀਤ ਸਿੰਘ ਧਿੰਗੜ ਆਦ ਹਾਜ਼ਰ ਸਨ
