ਬੁਢਲਾਡਾ :- (ਦਵਿੰਦਰ ਸਿੰਘ ਕੋਹਲੀ)-ਬੀਤੇ ਦਿਨ ਸਾਡੇ ਪੱਤਰਕਾਰ ਭਰਾ ਅਮਨ ਮਹਿਤਾ ਜੀ ਦੀ ਮਾਤਾ ਰਮੇਸ਼ ਕੁਮਾਰੀ ਜੀ(ਪਤਨੀ ਸਵ: ਸ਼੍ਰੀ ਪੁਸ਼ਕਰ ਦਾਸ ਮਹਿਤਾ) ਦੇ ਦੇਹਾਂਤ ਤੋਂ ਬਾਅਦ ਬੁਢਲਾਡਾ ਦੇ ਬੱਸ ਸਟੈਂਡ ਰੋਡ ਸਥਿਤ ਰਾਇਲ ਸਿਟੀ ਦੇ ਸਾਹਮਣੇ ਰਾਮ ਬਾਗ ਵਿਖੇ ਉਨ੍ਹਾਂ ਦੀ ਦੇਹ ਦਾ ਅੰਤਿਮ ਸੰਸਕਾਰ ਕੀਤਾ ਗਿਆ। ਉਨ੍ਹਾਂ ਦੇ ਅਚਨਚੇਤ ਮੌਤ ਕਾਰਨ ਪੂਰੇ ਇਲਾਕੇ ਵਿੱਚ ਸੋਗ ਦੀ ਲਹਿਰ ਹੈ। ਦੱਸਣਯੋਗ ਗੱਲ ਇਹ ਹੈ ਕਿ ਮਾਤਾ ਰਮੇਸ਼ ਕੁਮਾਰੀ ਪਿਛਲੇ ਕਾਫ਼ੀ ਸਮੇਂ ਤੋਂ ਬਿਮਾਰੀ ਤੋਂ ਜੂਝ ਰਹੇ ਸਨ। ਉਨ੍ਹਾਂ ਦੇ ਦੁਨੀਆ ਤੋਂ ਤੁਰ ਜਾਣ ਉੱਤੇ ਪਰਿਵਾਰ ਵਿੱਚ ਭਾਰੀ ਸਦਮਾ ਲੱਗਿਆ ਹੈ।ਉੱਥੇ ਹੀ ਸਮੂਹ ਪੱਤਰਕਾਰ ਭਾਈਚਾਰੇ ਵਿੱਚ ਵੀ ਸੋਗ ਦੀ ਲਹਿਰ ਦੌੜ ਗਈ ਹੈ। ਉਨ੍ਹਾਂ ਦੇ ਰੱਖੇ ਗਏ ਸ੍ਰੀ ਸਹਿਜ ਪਾਠ ਜੀ ਦੇ ਭੋਗ ਅਤੇ ਅੰਤਿਮ ਅਰਦਾਸ ਗੁਰਦੁਆਰਾ ਸਾਹਿਬ ਪਾਤਸ਼ਾਹੀ ਨੌਵੀਂ ਨੇੜੇ ਬੱਸ ਸਟੈਂਡ ਵਿਖੇ 12 ਦਸੰਬਰ ਨੂੰ ਦੁਪਹਿਰ 12 ਵਜੇ ਤੋਂ 1 ਵਜੇ ਤੱਕ ਹੋਵੇਗੀ।ਇਸ ਮੌਕੇ ਪੱਤਰਕਾਰ ਅਮਨ ਮਹਿਤਾ ਜੀ ਵੱਲੋਂ ਸਮੂਹ ਇਲਾਕਾ ਨਿਵਾਸੀਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਮਾਤਾ ਜੀ ਦੀ ਅੰਤਿਮ ਅਰਦਾਸ ਮੌਕੇ ਉਨ੍ਹਾਂ ਦੇ ਸਦੀਵੀ ਵਿਛੋੜੇ’ਤੇ ਗੁਰਦੁਆਰਾ ਸਾਹਿਬ ਪਾਤਸ਼ਾਹੀ ਨੌਵੀਂ ਵਿਖੇ ਪਹੁੰਚਣ ਦੀ ਕਿਰਪਾਲਤਾ ਕਰਨ ਅਤੇ ਉਨ੍ਹਾਂ ਪਰਮਾਤਮਾ ਅੱਗੇ ਅਰਦਾਸ ਕੀਤੀ ਕਿ ਪਰਿਵਾਰ ਉੱਤੇ ਦੁੱਖ ਦੀ ਘੜੀ ਵਿੱਚ ਭਾਣਾ ਮੰਨਣ ਦਾ ਬਲ ਬਖਸ਼ਣ। ਇਸ ਮੌਕੇ ਮਾਲਵਾ ਪ੍ਰੈਸ ਕਲੱਬ ਬੁਢਲਾਡਾ ਦੇ ਪ੍ਰਧਾਨ ਇੰਦਰਜੀਤ ਸਿੰਘ ਟੋਨੀ ਸਮੇਤ ਪੱਤਰਕਾਰ ਦਵਿੰਦਰ ਸਿੰਘ ਕੋਹਲੀ, ਅਮਨ ਅਹੁਜਾ, ਬਲਵਿੰਦਰ ਜਿੰਦਲ, ਜਤਿੰਦਰ ਰਿੰਕੂ, ਅਮਿਤ ਜਿੰਦਲ, ਸਵਰਨ ਸਿੰਘ ਰਾਹੀ, ਚਤਰ ਸਿੰਘ ਵਰੁਨ, ਵਿਨੋਦ ਕੁਮਾਰ ਗਰਗ, ਅਸ਼ੋਕ ਕੁਮਾਰ ਲਾਕੜਾ, ਓਂਕਾਰ ਸਿੱਧੂ, ਅਰਵਿੰਦ ਕੁਮਾਰ ਗਰਗ,ਸੰਜੀਵ ਤਾਇਲ, ਜੀਵਨ ਕੁਮਾਰ ਡੀਸੀ, ਮਨਜੀਤ ਮਸੌਣ, ਕੁਲਵਿੰਦਰ ਚਹਿਲ, ਗੁਰਵਿੰਦਰ ਸਿੰਘ ਚਹਿਲ,ਦਰਸ਼ਨ ਹਾਕਮਵਾਲਾ, ਸੁਰਜੀਤ ਸਿੰਘ ਸਿੱਧੂ, ਅਮਰਦੀਪ ਪਰੋਚਾ ਆਦਿ ਨੇ ਮਾਤਾ ਰਮੇਸ਼ ਕੁਮਾਰੀ ਜੀ ਦੇ ਦੇਹਾਂਤ ਮੌਕੇ ਦੁੱਖ ਦਾ ਪ੍ਰਗਟਾਵਾ ਕੀਤਾ
