ਸਤਿੰਦਰ ਸਰਤਾਜ ਆਪਣੀ ਗਾਇਕੀ ਦੇ ਜਲਵੇ ਬਿਖੇਰਣਗੇ ਸਰੋਤਿਆਂ ਨੂੰ ਮੰਤਰ ਮੁਗਧ ਕਰਨਗੇ ।
ਬਰਨਾਲਾ,25,ਅਕਤੂਬਰ /ਕਰਨਪ੍ਰੀਤ ਕਰਨ
ਟਰਾਈਡੇਂਟ ਗਰੁੱਪ ਦੇ ਚੇਅਰਮੈਨ ਪਦਮ ਸ੍ਰੀ ਰਜਿੰਦਰ ਗੁਪਤਾ ਜੀ ਦੀ ਰਹਿਨੁਮਾਈ ਹੇਠ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਟਰਾਈਡੈਂਟ ਦਿਵਾਲੀ ਮੇਲਾ ਸੰਘੇੜਾ ਕੰਪਲੈਕਸ ਬਰਨਾਲਾ ਵਿਖੇ 26 ਤੋਂ 28 ਅਕਤੂਬਰ ਤੱਕ ਲਾਇਆ ਜਾ ਰਿਹਾ ਹੈ I ਜ਼ਿਕਰਯੋਗ ਹੈ ਇਸ ਮੇਲੇ ਵਿੱਚ ਸ਼ਹਿਰੀਆਂ ਦੀ ਖਰੀਦਦਾਰੀ ਦੇ ਲਈ ਭਾਰੀ ਡਿਸਕਾਊਂਟ ਦੇ ਉੱਤੇ ਤੌਲੀਆ,ਬੈਡਸ਼ੀਟ,ਬਾਥਰੋਬ ਸਮੇਤ ਹੋਰ ਕਈ ਪ੍ਰੋਡਕਟਾਂ ਦੀ ਸੇਲ ਵੀ ਲਗਾਈ ਗਈ ਹੈ ਜਿਸ ਵਿੱਚ ਟਰਾਈਡੇਂਟ ਦੇ ਪ੍ਰੋਡਕਟ ਖਰੀਦੇ ਜਾ ਸਕਦੇ ਹਨ ।
ਇਸ ਮੌਕੇ ਟਰਾਈਡੈਂਟ ਅਧਿਕਾਰੀਆਂ ਸਵਿਤਾ ਕਲਵਾਨੀਆ,ਮਿੰਨੀ ਗੁੱਪਤਾ ਸਾਹਿਲ ਗੁਲਾਟੀ ,ਮਨੋਜ ਕੁਮਾਰ ਅਤੇ ਰੋਹਨ ਭਾਰਗਵ ਜੀ ਨੇ ਦੱਸਿਆ ਕਿ ਟਰਾਈਡੈਂਟ ਮੇਲੇ ਵਿੱਚ ਸ਼ਿਰਕਤ ਕਰਨ ਵਾਲੇ ਸ਼ਹਿਰੀਆਂ ਦੇ ਮਨੋਰੰਜਨ ਲਈ ਸਟੇਜੀ ਪ੍ਰੋਗਰਾਮ, ਖੇਡਾਂ, ਬੱਚਿਆਂ ਦੇ ਮਨੋਰੰਜਨ ਲਈ ਝੂਲੇ, ਹੱਥ ਕਢਾਈ ਦੀਆਂ ਵਸਤਾਂ ਅਤੇ ਖਾਣ ਪੀਣ ਦੀਆਂ ਸਟਾਲਾਂ ਦਾ ਵੀ ਪ੍ਰਬੰਧ ਕੀਤਾ ਗਿਆ ਹੈ । ਇਸ ਮੌਕੇ ਰੰਗਾਰੰਗ ਸੱਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤੇ ਜਾਣਗੇ । ਆਮ ਲੋਕਾਂ ਵਿੱਚ ਭਾਰੀ ਉਤਸ਼ਾਹ ਨੂੰ ਦੇਖਦੇ ਹੋਏ ਦਿਵਾਲੀ ਮੇਲੇ ਨੂੰ ਸਫਲ ਬਣਾਉਣ ਲਈ ਟਰਾਈਡੈਂਟ ਦੇ ਸਮੁੱਚੇ ਅਧਿਕਾਰੀ ਅਤੇ ਵਰਕਰ ਜੁਟੇ ਹੋਏ ਹਨ ਅਤੇ ਟਰਾਈਡੈਂਟ ਦਿਵਾਲੀ ਮੇਲੇ ਦੀਆਂ ਤਿਆਰੀਆਂ ਲਗਭਗ ਮੁਕੰਮਲ ਹੋ ਚੁੱਕੀਆਂ ਹਨ ।ਇਸ ਤੋਂ ਇਲਾਵਾ ਪੰਜਾਬ ਦੇ ਚੋਟੀ ਦੇ ਗਾਇਕ ਤੇ ਅਦਾਕਾਰ ਸ਼੍ਰੀ ਸਤਿੰਦਰ ਸਰਤਾਜ ਵੀ ਆਪਣੀ ਗਾਇਕੀ ਦੇ ਕਮਾਲ ਨਾਲ ਸਰੋਤਿਆਂ ਨੂੰ ਮੰਤਰ ਮੁਗਧ ਕਰਨਗੇ ।
