ਪਿੰਡ ਚ ਬਿਨਾਂ ਕਿਸੇ ਨਸ਼ਾ ਵੰਡਣ ਤੋਂ ਜਿੱਤੀ ਸਰਪੰਚੀ ਦੀ ਚੋਣ
ਸਰਦੂਲਗੜ 18 ਅਕਤੂਬਰ ਗੁਰਜੰਟ ਸਿੰਘ
ਹਲਕਾ ਸਰਦੂਲਗੜ ਦੇ ਪਿੰਡ ਫੱਤਾ ਮਾਲੋਕਾ ਵਿਖੇ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਸਰਪੰਚੀ ਦੀ ਚੋਣ ਸ਼ਾਂਤੀ ਪੂਰਵਕ ਢੰਗ ਨਾਲ ਹੋਈ।
ਜਿਸ ਵਿਚ ਲੋਕਾਂ ਨੇ ਬਿਨਾਂ ਨਸ਼ੇ, ਬਿਨਾਂ ਕਿਸੇ ਲਾਲਚ ਤੋਂ ਇੱਕ ਗਰੀਬ ਕਿਸਾਨ ਪਰਿਵਾਰ ਨਾਲ ਸਬੰਧਤ ਵੀਰਵੰਤੀ ਕੌਰ ਪਤਨੀ ਜਗਦੀਸ਼ ਸਿੰਘ ਉਰਫ ਡੀ.ਸੀ ਨੂੰ ਸਰਪੰਚ ਚੁਣਿਆ ਗਿਆ।ਇਸ ਚੋਣ ਚ ਵੀਰਵੰਤੀ ਕੌਰ 84ਵੋਟਾਂ ਨਾਲ ਜੇਤੂ ਰਹੇ।ਉਹਨਾਂ ਦੇ ਪਤੀ ਜਗਦੀਸ਼ ਸਿੰਘ ਨੇ ਵੀਰਵੰਤੀ ਕੌਰ ਦੇ ਸਰਪੰਚ ਬਣਨ ਤੇ ਜਿਥੇ ਸਮੂਹ ਨਗਰ ਨਿਵਾਸੀਆਂ ਦਾ ਧੰਨਵਾਦ ਕੀਤਾ ਉਥੇ ਉਹਨਾਂ ਕਿਹਾ ਕਿ ਉਹ ਪਾਰਟੀ ਬਾਜੀ ਤੋਂ ਉਪਰ ਉੱਠ ਕੇ ਪਿੰਡ ਦੇ ਵਿਕਾਸ ਕਾਰਜਾਂ ਨੂੰ ਤਰਜੀਹ ਦੇਣਗੇ।ਵੀਰਵੰਤੀ ਕੌਰ ਦੀ ਇਸ ਜਿੱਤ ਤੇ ਸਮੂਹ ਨਗਰ ਨਿਵਾਸੀਆਂ ਨੇ ਉਹਨਾਂ ਨੂੰ ਹਾਰ ਪਾ ਕੇ ਸਨਮਾਨਿਤ ਕੀਤਾ।ਇਸ ਮੌਕੇ ਉਨ੍ਹਾਂ ਦੇ ਐਡਵੋਕੇਟ ਸਾਬਕਾ ਸਰਪੰਚ ਗੁਰਸੇਵਕ ਸਿੰਘ ਆਦਿ ਹਾਜ਼ਰ ਸਨ।
