ਬਰਫ ਪੈਣ ਕਰਕੇ ਸੜਕ ਖਰਾਬ ਹੋਣ ਨਾਲ ਹੋਈ ਟੱਕਰ ਕਰਕੇ ਇੱਕ ਦੀ ਮੌਤ

ਕੈਲਗਰੀ-ਕੈਲਗਰੀ ਵਾਸੀ ਰਮੇਸ਼ ਸਿੰਘ ਜੋ ਕਿ ਇੱਕ ਰੈਸਟੋਰੈਟ ਤੇ ਕੁੱਕ ਦੀ ਨੌਕਰੀ ਕਰਦਾ ਸੀ| ਰਾਤ ਸਮੇਂ ਆਪਣੇ ਕੰਮ ਤੋ ਵਿਹਲਾ ਹੋ ਕੇ ਘਰ ਜਾ ਰਿਹਾ ਸੀ| ਕੈਲਗਰੀ ਵਿੱਚ ਲਗਾਤਾਰ ਪਿੱਛਲੇ ਦਿਨਾਂ ਤੋ ਬਰਫ ਪੈਣ ਕਰਕੇ ਰਸਤਾ ਬਹੁਤ ਖਰਾਬ ਸੀ|ਰਾਤ ਸਮੇਂ ਸਿਟੀ ਆਫ ਕੈਲਗਰੀ ਵੱਲੋ ਰਸਤਿਆ ਤੋ ਬਰਫ ਸਾਫ ਕੀਤੀ ਜਾ ਰਹੀ ਸੀ| ਰਮੇਸ਼ ਸਿੰਘ ਦੀ ਗੱਡੀ ਬਰਫ ਤੋ ਤਿਲਕਣ ਕਰਕੇ ਸਿੱਧੀ ਬਰਫ ਸਾਫ ਕਰ ਰਹੀ ਮਸ਼ੀਨ ਵਿੱਚ ਜਾ ਵੱਜੀ ਜਿਸ ਕਰਕੇ ਉਸਦੀ ਮੌਕੇ ਤੇ ਮੌਤ ਹੋ ਗਈ| ਰੈਸਟੋਰੈਟ ਦੇ ਮਾਲਕ ਕਾਲਾ ਰਛੀਨ ਨੇ ਦੱਸਿਆ ਕਿ ਰਮੇਸ਼ ਸਿੰਘ ਪਿੱਛਲੇ ਇੱਕ ਸਾਲ ਤੋ ਉਸ ਕੋਲ ਕੰਮ ਕਰਦਾ ਸੀ| ਮ੍ਰਿਤਕ ਰਮੇਸ਼ ਸਿੰਘ ਆਪਣੇ ਪਿੱਛੇ ਧਰਮ ਪਤਨੀ ਅਤੇ 2 ਛੋਟੇ ਬੱਚੇ 12 ਸਾਲ ਅਤੇ 7 ਸਾਲ ਛੱਡ ਗਿਆ| ਜੋ ਕਿ ਇੱਕ ਸਾਲ ਪਹਿਲਾਂ ਹੀ ਕੈਨੇਡਾ ਉਸ ਕੋਲ ਆਏ ਸਨ|ਰਮੇਸ਼ ਸਿੰਘ ਸੰਨ 2015 ਵਿੱਚ ਕੈਨੇਡਾ ਆਇਆ ਸੀ ਉਹ ਦੇਹਰਾਦੂਨ ਉਤਰਾਖੰਡ ਦਾ ਰਹਿਣ ਵਾਲਾ ਸੀ ਪਿੱਛੇ ਉਸਦੀ ਮਾਤਾ 72 ਸਾਲ ਵੀ ਇੱਕਲੀ ਹੀ ਹੁਣ ਰਹਿ ਗਈ|