ਗੁਰਦੁਆਰਾ ਦਸ਼ਮੇਸ਼ ਕਲਚਰਲ ਸੈਂਟਰ ਕੈਲਗਰੀ ਵੱਲੋਂ ਬਜੁਰਗਾਂ ਵਾਸਤੇ ਸੈਰਸਪਾਟਾ ਟੂਰ ਪ੍ਰੋਗ੍ਰਾਮ ਦਾ ਆਯੋਜਨ

ਕੈਲਗਰੀ-ਗੁਰਦੁਆਰਾ ਦਸ਼ਮੇਸ਼ ਕਲਚਰਲ ਸੈਂਟਰ ਕੈਲਗਰੀ ਵੱਲੋਂ ਨਿਵੇਕਲੇ ਉਪਰਾਲੇ ਸਦਕਾ 400 ਬਜ਼ੁਰਗਾਂ ਲਈ 6 ਬੱਸਾਂ ਦਾ ਪ੍ਰਬੰਧ ਕਰਕੇ ਸਿਲਵਨ ਝੀਲ ਤੱਕ ਸੈਰ ਸਪਾਟਾ ਕਰਨ ਲਈ ਲਿਜਾਇਆ ਗਿਆ| ਇਸ ਸਮੇਂ ਰਸਤੇ ਵਿੱਚ ਪੈਦੇ ਸ਼ਹਿਰ ਰੈੱਡ ਡੀਅਰ ਦੇ ਗੁਰਦੁਆਰਾ ਗੁਰੂ ਨਾਨਕ ਦਰਬਾਰ ਵਿਖੇ ਸੰਗਤਾਂ ਨਤਮਸਤਕ ਹੋਈਆ ਸੰਗਤਾਂ ਦਾ ਪ੍ਰਬੰਧਕਾਂ ਵੱਲੋ ਸਵਾਗਤ ਕੀਤਾ ਗਿਆ| ਇਸ ਉਲੀਕੇ ਪ੍ਰੋਗ੍ਰਾਮ ਬਾਰੇ ਜਾਣਕਾਰੀ ਦਿੰਦੇ ਹੋਏ ਭਾਈ ਰਵਿੰਦਰ ਸਿੰਘ ਤੱਬੜ,ਭਾਈ ਰਣਧੀਰ ਸਿੰਘ ਪ੍ਰਮਾਰ ਅਤੇ ਭਾਈ ਪ੍ਰਦੀਪ ਸਿੰਘ ਬੈਨੀਪਾਲ ਹੁਰਾਂ ਦੱਸਿਆ ਕਿ ਕੈਲਗਰੀ ਦੀਆਂ ਸੰਗਤਾਂ ਵੱਲੋ ਇਸ ਟੂਰ ਪ੍ਰੋਗ੍ਰਾਮ ਵਾਸਤੇ ਆਪਣੇ ਵੱਲੋ 5000 ਡਾਲਰ ਖਰਚ ਕਰਨ ਵਾਸਤੇ ਇਕੱਠੇ ਕੀਤੇ| ਉਨਾਂ ਕਿਹਾ ਕਿ ਬਜੁਰਗਾਂ ਜਿਨਾਂ ਵਿੱਚ ਆਦਮੀ ਅਤੇ ਔਰਤਾਂ ਦੋਨਾਂ ਨੇ ਇਸ ਟੂਰ ਪ੍ਰੋਗ੍ਰਾਮ ਦਾ ਆਨੰਦ ਮਾਣਿਆ| ਪ੍ਰਬੰਧਕਾਂ ਨੇ ਦੱਸਿਆ ਕਿ ਬਜੁਰਗਾਂ ਦੀ ਮੰਗ ਤੇ ਦੁਬਾਰਾ ਜਲਦੀ ਅਗਲੇ ਪ੍ਰੋਗ੍ਰਾਮ ਦਾ ਪ੍ਰਬੰਧ ਕੀਤਾ ਜਾਵੇਗਾ|