ਲਵਲੀਨਾ ਨੇ 75 ਕਿਲੋ ਭਾਰ ਵਰਗ ‘ਚ ਪਹਿਲਾ ਤਗਮਾ ਪੱਕਾ ਕੀਤਾ

ਨਵੀਂ ਦਿੱਲੀ,– ਉਲੰਪਿਕ ਕਾਂਸੀ ਤਗਮਾ ਜੇਤੂ ਲਵਲੀਨਾ ਬੋਰਗੋਹੇਨ ਨੇ ਜਾਰਡਨ ਦੇ ਓਮਾਨ ‘ਚ ਚੱਲ ਰਹੀ ਏਸ਼ੀਆਈ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ਦੇ ਕੁਆਰਟਰ ਫਾਈਨਲ ‘ਚ ਵਾਲੇਨਟਿਨਾ ਖਾਲਜੋਵਾ ‘ਤੇ ਜਿੱਤ ਨਾਲ ਸੈਮੀਫਾਈਨਲ ‘ਚ ਜਗ੍ਹਾ ਬਣਾਉਂਦੇ ਹੋਏ 75 ਕਿੱਲੋਗ੍ਰਾਮ ਵਰਗ ‘ਚ ਆਪਣੇ ਪਹਿਲੇ ਮੁਕਾਬਲੇ ‘ਚ ਤਗਮਾ ਪੱਕਾ ਕਰ ਲਿਆ | ਲਵਲੀਨਾ ਨੂੰ ਪੰਜ ਮੁੱਕੇਬਾਜ਼ਾਂ ਦੇ ਦਰਮਿਆਨ ਘੱਟ ਤੋਂ ਘੱਟ ਕਾਂਸੀ ਤਗਮਾ ਪੱਕਾ ਕਰਨ ਲਈ ਕੇਵਲ ਇਕ ਜਿੱਤ ਦੀ ਜ਼ਰੂਰਤ ਸੀ ਅਤੇ ਇਸ 25 ਸਾਲਾ ਮੁੱਕੇਬਾਜ਼ ਨੇ ਲੰਘੇ ਦਿਨ ਦੇਰ ਰਾਤ ਖਾਲਜੋਵਾ ‘ਤੇ 3-2 ਦੀ ਜਿੱਤ ਨਾਲ ਸੈਮੀਫਾਈਨਲ ‘ਚ ਜਗ੍ਹਾ ਬਣਾਈ | ਆਸਾਮ ਦੀ ਮੁੱਕੇਬਾਜ਼ ਨੇ ਟੋਕੀਓ ਉਲੰਪਿਕ ‘ਚ 69 ਕਿਲੋਗ੍ਰਾਮ ਵਰਗ ‘ਚ ਕਾਂਸੀ ਤਗਮਾ ਜਿੱਤਿਆ ਸੀ | ਉਹ ਹੁਣ 75 ਕਿਲੋਗ੍ਰਾਮ ਵਰਗ ‘ਚ ਖੇਡ ਰਹੀ ਹੈ, ਕਿਉਂਕਿ 69 ਕਿਲੋ ਵਰਗ ਪੈਰਿਸ ਉਲੰਪਿਕ ‘ਚ ਸ਼ਾਮਿਲ ਨਹੀਂ ਹੈ | ਅੰਕੁਸ਼ਿਤਾ ਬੋਰੋ (66 ਕਿਲੋਗ੍ਰਾਮ) ਨੇ ਵੀ ਸੈਮੀਫਾਈਨਲ ‘ਚ ਜਗ੍ਹਾ ਬਣਾ ਲਈ ਹੈ | 22 ਸਾਲ ਦੀ ਇਸ ਮੁੱਕੇਬਾਜ਼ ਨੇ ਅੰਤਿਮ-8 ‘ਚ ਜਾਪਾਨ ਦੀ ਸੁਬਾਤਾ ਆਰਸਿਆ ‘ਤੇ 5-0 ਨਾਲ ਜਿੱਤ ਹਾਸਲ ਕੀਤੀ |